حوزہ/حضرت زینب بنت علی علیہا السلام تاریخِ اسلام کی اُن عظیم ترین خواتین میں شمار ہوتی ہیں جنہوں نے اپنے کردار، علم، صبر اور جرأت کے ذریعے نہ صرف اپنے عہد بلکہ آنے والی صدیوں کے لیے بھی حق و باطل کے معیار قائم کیے۔ آپؑ رسولِ خدا حضرت محمد مصطفیٰ کی نواسی، حضرت علی ابن ابی طالبؑ اور سیدہ فاطمہ الزہراؑ کی لختِ جگر، اور امام حسنؑ و امام حسینؑ کی ہمشیرہ تھیں۔ واقعۂ کربلا کے بعد اسلام کی بقا اور پیغامِ حسینی کی ترسیل میں حضرت زینبؑ کا کردار اتنا مرکزی اور فیصلہ کن ہے کہ آپؑ کو “شریکۃ الحسینؑ” کہا گیا ہے۔
