حوزہ/ مدرسہ علمیہ زینبیہ خرم آباد ایران کے زیر اہتمام منعقدہ آنلائن علمی نشست میں مقررین نے حضرت زینب سلام اللہ علیہا کے قائدانہ کردار کو قیام عاشورا کی بقا اور پیغام رسانی کا بنیادی ستون قرار دیتے ہوئے کہا کہ اگر امام حسین علیہ السلام نے اپنے پاک خون سے حق کو زندہ کیا تو حضرت زینبؑ نے اپنے تاریخی خطبات، بصیرت اور جرات مندانہ قیادت کے ذریعے اس پیغام کو ہمیشہ کے لیے تاریخ کا حصہ بنا دیا۔


