شیعہ نیوز: حیدرآباد: بزرگ اور معزز شہری پرویز حسین رضوی کے خلاف توہینِ قرآن کے الزام میں مقدمہ درج کرکے انہیں گرفتار کیے جانے کی اطلاعات سامنے آئی ہیں۔
اہلِ خانہ اور متعلقین کا مؤقف ہے کہ مقدمہ بے بنیاد ہے اور ایک مسلکی سیاسی جماعت کی جانب سے مبینہ پروپیگنڈے کے نتیجے میں پرویز رضوی اور ان کے خاندان کی سلامتی کو خطرات لاحق ہوگئے ہیں۔
متعلقین کا کہنا ہے کہ کسی بھی شہری پر توہینِ قرآن جیسے سنگین الزام کی صورت میں قانون کے مطابق مکمل تحقیقات کرنا پولیس اور متعلقہ اداروں کی ذمہ داری ہے۔
کسی فرد یا گروہ کو قانون ہاتھ میں لینے، دباؤ ڈالنے یا اشتعال انگیز پروپیگنڈے کے ذریعے کسی شہری کی جان و مال کو خطرے میں ڈالنے کی اجازت نہیں ہونی چاہیے۔
یہ بھی پڑھیں : سوات میں نو سالہ بچی سے جنسی زیادتی کا واقعہ، سپاہ صحابہ کا مولوی گرفتار
ملت جعفریہ کی جانب سے قانون نافذ کرنے والے اداروں سے مطالبہ کیا گیا ہے کہ پرویز حسین رضوی کے معاملے میں تمام قانونی تقاضے پورے کیے جائیں، شفاف تحقیقات کی جائیں اور کسی بھی قسم کے دباؤ یا جانبداری سے گریز کیا جائے۔
بیان میں مزید کہا گیا کہ اگر تحقیقات کے عمل کو دانستہ طور پر متاثر کیا گیا یا مقدمے کو جان بوجھ کر خراب کرنے کی کوشش کی گئی تو اس کے خلاف ملت جعفریہ کی جانب سے شدید احتجاج کیا جائے گا۔
The post حیدرآباد: معزز شہری پرویز حسین رضوی کے خلاف مبینہ طور پر توہینِ قرآن کا مقدمہ appeared first on شیعہ نیوز پاکستان.
