شیعہ نیوز: ملک بھرمیں ناصبی و تکفیری مدارس ظلم وجبر کا مرکز بن گئے ، جنسی زیادتی کے واقعات کے بعد وحشیانہ جسمانی تشدد کے واقعات بھی سامنے آنے لگے، لاہور میں کالعدم سپاہ صحابہ کے مولوی کے ہاتھوں معصوم طالب علم علی حیدر ولد محمد عون سکنہ بہاولنگربدترین جسمانی تشدد کے بعد شہید ہوگیا۔
تفصیلات کےمطابق لاہور کے علاقے برکی روڈ پر قائم مدرسہ مدرسہ رحمانیہ محلہ میاں سنگھ میں زیر تعلیم 12 سالہ معصوم طالب علم علی حیدر کو قاری غلام رسول ولد محمد خان نے فقط بخار کے سبب ختم شریف میں شرکت نا کرنے پر وحشیانہ تشدد کا نشانہ بنا کر پہلے ہاتھ توڑڈالاجس کے سبب وہ زخموں کی تاب نا لاتے ہوئے جام شہادت نوش کرگیا۔
تھانہ برکی روڈ میں درج ایف آئی آر کے مطابق 18 جون 2026 کو علی حیدر بخار کی حالت میں مدرسے گیا ، چچا طالب حسین گھر آیا تو ماں نے بتایا کہ اس کو بخار تھا لیکن وہ پھر بھی مدرسے گیاہے، چچا بیمار بھتیجے سے ملنے مدرسے پہنچا تو دیکھا کہ قاری غلام رسول علی حیدر کو آہنی راڈ سے بے دردی سے تشدد کا نشانہ بنارہاہے۔
چچا کو دیکھ کر قاری غلام رسول نے مار پیٹ بند کی ، چچا کے پوچھنے پرملزم نے بتایا کہ میں نے علی حیدر کو ختم شریف میں جانے کو کہا تو اس نے بخار کا بہانہ بنایا اور نہیں گیا جس پر مجھے شدید غصہ آیا اور میں نے طیش میں آکر اس کو مارا ہے، متاثرہ بچے کے اہل خانہ ایف آئی آر کے لئے تھانے جانے لگے تو علاقہ معززین نے منت سماجت کرکے ان کو روک لیا اور ملزم نے وعدہ کیا کہ میں بچے کامکمل علاج معالجہ کرواؤں گا اور ہرجانہ ادا کروں گا۔
بعد ازاں بچےکے اہل خانہ واپس بہاول نگر آگئے کچھ روز بعد قاری غلام رسول نے بچے کے والد کو فون کرکے اطلاع دی کہ آپ کابچہ انتہائی نافرمان اور نالائق ہے میں اس کو مزید نہیں پڑھا سکتا، میں اس کو لاہور سے بہاولنگر کی بس میں سوار کررہا ہوں ، بچہ بہاولنگر پہنچا تو اس کی حالت ایسی تھی کہ وہ سیٹ سے خود کھڑا بھی نہیں ہوسکا ، اسے گود میں لیکر بس سے اتارا گیا ، اس کے جسم کا نچلا حصہ زخموں سے چورچور تھا۔
علی حیدر کے اہل خانہ نے قاری غلام رسول سے استفسارکیا کہ تم نے تو وعدہ کیا تھا کہ تم بچےکا مکمل علاج کرواؤ گے تو اس نے جواب میں کہا کہ میں نے صرف اپنی جان چھڑوانے کیلئے یہ بہانہ بنایا تھا میں کوئی علاج کرواؤں گا نا ہی کوئی ہرجانہ بھروں گاجاؤ جو کرنا ہے کر لو۔ چند روز بعد علی حیدر زخموں کی تاب نالاتے ہوئے شہید ہوگیا۔
بعد ازاں قاری غلام رسول سے فون پر بات کرنے کی کوشش کی گئی تو اس کا فون بند تھا۔ پولیس نے مقتول کے ورثاء کی مدعیت میں تھانہ برکی لاہور میں تعزیرات پاکستان کی دفعہ 302 کے تحت مقدمہ نمبر728/26 درج کرکے کارروائی کا آغاز کردیا ہے ۔
The post ختم شریف میں بخارکے سبب شرکت ناکرنے پرکالعدم سپاہ صحابہ کے مولوی کا معصوم طالب علم پروحشیانہ تشدد،ننھاعلی حیدرشہید appeared first on شیعہ نیوز پاکستان.
