شیعہ نیوز: شیخ عکرمہ صبری نے خبردار کیا ہے کہ مقبوضہ بیت المقدس میں اسرائیلی اقدامات مسجدالاقصی کے اطراف کی شناخت اور فلسطینی موجودگی کو متاثر کرنے کی کوشش ہیں۔
رپورٹ کے مطابق مسجدالاقصی کے خطیب شیخ عکرمہ صبری نے مقبوضہ بیت المقدس میں صہیونی حکومت کی توسیع پسندانہ سرگرمیوں پر شدید تشویش کا اظہار کرتے ہوئے خبردار کیا ہے۔
فلسطینی شہاب کے مطابق شیخ عکرمہ صبری نے کہا کہ مسجدالاقصی کے اطراف کے علاقوں میں قابض اسرائیلی اقدامات اور وہاں نئی بستیوں کے قیام کی کوششیں علاقے کی شناخت اور شکل تبدیل کرنے کا باعث بن سکتی ہیں۔
یہ بھی پڑھیں : غزہ جنگ کے بعد صہیونی معاشرے میں ذہنی بحران شدت اختیار کرگیا، ٹیلیگراف کی رپورٹ
انہوں نے کہا کہ ہم مسجدالاقصی کے گرد و نواح میں قابض حکام کی سرگرمیوں پر نظر رکھے ہوئے ہیں اور ان اقدامات کے حوالے سے خبردار کرتے ہیں، کیونکہ یہ علاقے کی جغرافیائی اور تاریخی حیثیت کو متاثر کرسکتے ہیں۔
خطیب مسجدالاقصی نے مسجد کے اطراف رہنے والے فلسطینی باشندوں کی ثابت قدمی کو سراہتے ہوئے کہا کہ ان کی مزاحمت اور موجودگی شہر میں فلسطینی شناخت کے دفاع کی پہلی صف ہے۔
شیخ عکرمہ صبری نے اس بات پر زور دیا کہ مقبوضہ بیت المقدس میں فلسطینیوں کی موجودگی اور مسجدالاقصی کا تحفظ خطے کی تاریخ اور شناخت سے جڑا ہوا اہم مسئلہ ہے۔
The post خطیب مسجدالاقصی کا تل ابیب کی خطرناک سرگرمیوں پر انتباہ appeared first on شیعہ نیوز پاکستان.
