شیعہ نیوز: سپاہ پاسداران نے اعلان کیا ہے کہ جن امریکی فوجی اڈوں سے ہمارے ملک پر حملے ہوتے ہیں ان کو نشانہ بنانا ہمارا قانونی، شرعی اور عقلی حق ہے۔
پاسداران انقلاب اسلامی کے شعبہ رابطہ عامہ نے اپنے پینتالیسویں اعلامیہ میں اردن کے عوام کو مخاطب کرکے کہا ہے کہ سپاہ پاسداران میں آپ کے مجاہد بھائی، ایران پر حملوں کے جواب میں بچوں کی قاتل امریکی فوج کی تنبیہ کے لئے اس کے اڈوں پر برق رفتار حملے کئے ہیں جن میں ایک تھاڈ میزائل سسٹم اور ایک C-RAM پیٹریاٹ رڈار سسٹم تباہ اور ایندھن کا ایک گودام نذر آتش ہوگیا۔
اعلامیہ میں بتایا گیا ہے کہ ایران کے ان حملوں میں، ہیلی کاپٹرکے وسائل کا ایک بڑا گودام، مرمت کا ایک ورکشاپ اورہیلی کاپٹروں کا ایک بڑا ہینگر بھی تباہ کردیا گیا۔
یہ بھی پڑھیں : باب المندب، یمنی فوج کی وارننگ کے بعد 6 سعودی جہاز واپس لوٹ گئے، یمن
سپاہ پاسداراران نے اپنے اس اعلامیہ میں اردن کے عوام کو مخاطب کرکے کہا ہے کہ بعض اوقات کہا جاتا ہے ایران اپنے حملوں میں، ملکوں کی خودمختاری، ارضی سالمیت اور ان کے اقتدار اعلی کو نشانہ بناتا ہے، لیکن یہ کہنا بالکل غلط ہے، ہماری نظر میں آپ کی حکومت کا اقتدار اعلی، ارضی سالمیت اور خود مختاری پوری طرح محترم ہے۔
سپاہ پاسداران نے یہ سوال کیا ہے کہ ان ملکوں میں امریکی اڈہ کیسی جگہ ہے؟ یہ ایسی جگہ ہے کہ جس پرنہ آپ کی نگرانی ہے اور نہ ہی کسی قسم کا کنٹرول، امریکی حتی جس کو چاہتے ہیں اس کواور دوسرے ملکوں سے قیدیوں کو وہاں لاتے اور جس کو چاہتے ہیں باہر لے جاتے ہیں۔ وہاں کا کنٹرول امریکی فوج کے محافظین کے پاس ہوتا ہے آپ کی فوج کا وہاں کوئی عمل دخل نہیں ہے۔ وہاں کسی جرم کا ارتکاب ہوتا ہے تو اس کے بارے میں امریکی جج فیصلہ کرتا ہے آپ کا جج نہیں۔ وہاں آپ کا قانون نہیں بلکہ امریکی قانون نافذ ہے۔ وہاں امریکی فوجی محافظین کی اجازت کے بغیر آپ کے فوجی تو درکنار، آپ کا وزیر دفاع بھی داخل نہیں ہوسکتا۔
بنابریں آپ کی ارضی سالمیت اور اقتدار اعلی کی توہین ہم نے نہیں، امریکا نے کی ہے۔ امریکی فوج جرائم کے ارتکاب کے علاوہ اور کچھ نہیں جانتی ہے اور ہم ان زمینوں پر حملہ کررہے ہیں جن پر اس فوج نے قبضہ کررکھا ہے۔
سپاہ پاسداران نے اپنے اعلامیہ میں کہا ہے کہ گزشتہ روز میناب کے غم زدہ عوام نے اپنے اسکولی بچوں کے اعضا کی تدفین کی جو ملبے کے نیچے سے ملے تھے ۔ یہ 168 بچے تھے جو بچوں کی قاتل امریکی فوج کے حملے کے پہلے دن شہید ہوئے اور امریکی فوج کے جرائم کا سلسلہ اب بھی جاری ہے اور یہ جرائم جن جگہوں سے کئے جارہے ہیں، ان میں آپ کے ملک میں موجود امریکی فوجی اڈے بھی شامل ہیں اور جہاں سے ہم پر حملہ کیا جائے، اس جگہ پر جوابی حملہ، ہمارا قانونی، شرعی اور عقلی حق ہے۔
The post خطے ميں موجود امریکی فوجی اڈوں پرحملہ ایران کا حق ہے، اردن کے عوام کے نام سپاہ کا پیغام appeared first on شیعہ نیوز پاکستان.
