شیعہ نیوز: آبنائے ہرمز میں ایرانی ٹرانزٹ قوانین کی خلاف ورزی کرنے والے بحری جہازوں کے خلاف پابندیاں عائد کی جائیں گی، جبکہ ایسے جہازوں کے ساتھ تعاون کرنے والے دیگر جہاز بھی خلاف ورزی کرنے والوں کی فہرست میں شامل کیے جاسکتے ہیں۔
رپورٹ کے مطابق ایران کے خلیج فارس آبی راستہ انتظامی ادارے نے خبردار کیا ہے کہ آبنائے ہرمز میں ایرانی نقل و حمل کے قوانین کی خلاف ورزی کرنے والے بحری جہازوں کے خلاف سخت کارروائی کی جائے گی۔
ایرانی حکام کے مطابق جو بحری جہاز ایران کے مقرر کردہ ٹرانزٹ ضوابط کی خلاف ورزی کریں گے، انہیں مستقبل میں آبنائے ہرمز سے گزرنے پر پابندیوں کا سامنا کرنا پڑ سکتا ہے، جن میں جرمانہ، جہاز کو روکنا یا ضبط کرنا شامل ہے۔
یہ بھی پڑھیں : ایران خطے کے عوام اور دنیا کے آزاد انسانوں کے لیے باعث فخر ہے، لبنانی رکن پارلیمنٹ
خلیج فارس آبنائے اتھارٹی نے خلیج فارس سے سامان کی آمد و رفت کرنے والے مالکان اور کمپنیوں کو مشورہ دیا ہے کہ وہ کسی بھی جہاز کو کرائے پر لینے سے پہلے خلاف ورزی کرنے والے بحری جہازوں کی تازہ فہرست ضرور چیک کریں۔
اتھارٹی نے کہا کہ آج کے بعد جو بھی بحری جہاز فہرست میں شامل جہازوں کے ساتھ تعاون کریں گے، چاہے وہ جہاز سے جہاز تک سامان کی منتقلی، دوبارہ ترسیل یا کسی اور ذریعے سے ہو، انہیں بھی خلاف ورزی کرنے والے جہازوں کی فہرست میں شامل کر دیا جائے گا۔
The post خلاف ورزی کرنے والے جہازوں پر جرمانہ اور ضبطی کی کارروائی ہوگی، ایران کی وارننگ appeared first on شیعہ نیوز پاکستان.
