شیعہ نیوز: خلیجی خطے میں بڑھتی ہوئی کشیدگی کے دوران سعودی عرب اور ایران کے وزرائے خارجہ کے درمیان اہم ٹیلیفونک رابطہ ہوا ہے، جسے دونوں ممالک کے درمیان حالیہ بحران کے بعد پہلا باضابطہ رابطہ قرار دیا جا رہا ہے۔
سعودی وزارت خارجہ کے مطابق سعودی وزیر خارجہ شہزادہ فیصل بن فرحان السعود نے اپنے ایرانی ہم منصب عباس عراقچی سے ٹیلیفون پر گفتگو کی۔
یہ بھی پڑھیں : صدر ٹرمپ کو جنگ میں ناکامی کے ساتھ پیچھے ہٹنا پڑا، امریکی تجزیہ کار
اس دوران دونوں رہنماؤں نے خطے کی تازہ صورتحال کا جائزہ لیا اور کشیدگی کم کرنے کے مختلف طریقوں پر تبادلہ خیال کیا۔
بیان میں کہا گیا کہ دونوں ممالک نے اس بات پر زور دیا کہ خطے میں امن و استحکام کی بحالی کے لیے سفارتی کوششوں کو تیز کرنا ضروری ہے۔
اس موقع پر کشیدگی کم کرنے اور استحکام کے اقدامات پر زور دیا گیا۔
علاوہ ازیں سعودی ولی عہد محمد بن سلمان سے برطانوی وزیرِ اعظم کیئر اسٹارمر نے جدہ میں اہم ملاقات کی ہے۔
ملاقات کے دوران دونوں رہنماؤں نے خطے اور عالمی سطح پر ہونے والی پیش رفت پر بھی گفتگو کی۔
The post خلیج جنگ کے بعد پہلی بار سعودی عرب اور ایران کے درمیان رابطے بحال appeared first on شیعہ نیوز پاکستان.
