شیعہ نیوز: وفاقی وزیر خواجہ سعد رفیق نے ایک بار پھر سعودیہ عرب پر ڈھکے چھپے انداز میں شدید تنقید کی ہے۔
اپنی ٹویٹ میں انھوں نے کہا کہ امریکی حکومت اور اس کے علاقائی اتحادیوں کے تمام تر دباؤ اور شدید معاشی مشکلات کے باوجود پاکستان نے اپنی مخلصانہ اور فعال ڈپلومیسی کے ذریعے ایران اور سعودی عرب کے درمیان جنگی فریق بننے سے گریز کیا ہے۔ پاکستان نے اس بات کو یقینی بنایا ہے کہ ایران اور سعودی عرب ایک دوسرے کے خلاف جنگ میں نہ اُتریں، اور دونوں ممالک کے درمیان کشیدگی کو کم کرنے کی بھرپور کوشش کی ہے۔
ان کا کہنا تھا کہ پاکستان نے ایران کو دیگر خلیجی ممالک کے انفراسٹرکچر پر حملوں سے روکنے کیلئے بھرپور سفارتی کوششیں کیں۔ اس کا مقصد خطے میں پائیدار امن کا قیام ہے، جس کی تائید عالمی سطح پر کی جارہی ہے۔ پاکستان کی یہ کوششیں اس بات کا ثبوت ہیں کہ وہ ہمیشہ عالمی امن کے لیے اپنی ذمہ داریاں ادا کرنے میں پیش پیش رہا ہے۔
پاکستان کی فعال مخلصانہ ڈپلومیسی کا مقصد خطے میں پائیدار امن کا قیام ھے جسے ساری دنیا کی تائید حاصل ھے
یہ بھی پڑھیں : 15 شوال ، شہادت امام جعفر صادق کے سلسلے میں شہر شہر مجالس عزا کا اہتمام
انھوں نے ٹوئٹ میں لکھا کہ ھم جانتے ھیں کہ امریکہ ، ھندوستان اور اسرائیل کے ایک اھم پارٹنر اور ھمارے برادر ملک نے پاکستان کو آبناۓ ھُرمز کھلوانے کیلئے فوجی مداخلت کا حصہ بننے پر زور دیا جسے پاکستان نہیں مانا ۔
انھوں نے کہاکہ پاکستان آج بھی اس برادر ملک کا خیر خواہ ھے ، لاکھوں پاکستانی وھاں روزگار کیلئے مقیم ھیں لیکن یاد رھنا چاھئیے کہ اس ملک کی تعمیر و ترقی میں پاکستانیوں کا حصہ کسی دوسرے سے کسی طرح کم نہیں ، پاکستانی کمپنیوں کی اربوں ڈالر کی سرمایہ کاری وھاں موجود ھے ۔۔انکے تجارتی ادارے پاکستان آکر سرمایہ کاری کرتے ھیں اور ھر دور حکومت میں برادرانہ تعلقات کی بنیاد پر انھیں ریاستی تعاون بھی پیش کیا جاتا ھے۔
مسلم لیگ کے رہنما نے مزید لکھا کہ ھمارا یہ دوست ملک وقتاً فوقتاً ھمیں کچھ قرض تو عنایت کر دیتا ھے لیکن پاکستان سے کاروباری مفادات حاصل کرتے ھوۓ پاکستان کے معاشی مفادات کا منصفانہ خیال نہیں رکھتا ، برادر ملک کی جانب سے مختلف ادوار میں عالمی و علاقائ معاملات پر پاکستان کو ڈکٹیٹ کرنے کی کوشش کرنا اور نہ ماننے پر نتائج بھگتنے کے پیغامات دینامعمول ھے جو قابل تحسین نہیں ۔
The post خواجہ سعد رفیق کا سعودی عرب کا نام لئے بغیر اس کی پالیسیز پر شدید تنقید appeared first on شیعہ نیوز پاکستان.
