شیعہ نیوز: مشرقی تیمور کے صدر اور نوبل امن انعام یافتہ ‘خوزے راموس ہورتا’ نے اقوام متحدہ کی سلامتی کونسل کو ‘ناکارہ اور جان کنی کے عالم میں پہنچی ہوئی تنظیم قرار دیا ہے ۔
انہوں نے خبردار کیا ہے کہ بین الاقوامی قوانین صرف بڑی طاقتوں کا تحفظ کرتے ہیں اور چھوٹے ممالک اب اس طرح کے ” قانون پر مبنی نظام ” پر بھروسہ نہیں کرتے۔
مشرقی تیمور کے صدر اور نوبل امن انعام یافتہ ‘خوزے راموس ہورتا’ نے شانگری لا سیکورٹی کانفرنس کے 23ویں اجلاس میں اپنی خصوصی تقریر میں اقوام متحدہ کی سلامتی کونسل کو ‘مرتی ہوئی اور ناکارہ’ تنظیم قرار دیتے ہوئے ایشیائی ممالک سے مطالبہ کیا کہ وہ ‘بحیرہ جنوبی چین کو امن کا علاقہ قرار دینے کی جرات’ پیدا کریں۔
یہ بھی پڑھیں : امریکا کو سبق مل گیا، آئندہ جواب مزید سخت ہو گا: پاسدارانِ انقلاب کی دھمکی
مشرقی تیمور کے صدر نے اپنی تقریر کے ایک دوسرے حصے میں سلامتی کونسل کو ‘مرتی ہوئی’ اور ‘ناکارہ’ تنظیم قرار دیتے ہوئے کہا ہے کہ یہ آج کی عالمی صورتِ حال کا ایک افسوسناک پہلو ہے۔
راموس ہورتا نے زور دے کر کہا کہ سلامتی کونسل کے اراکین کی تعداد میں اضافہ یا پانچ مستقل اراکین کے ویٹو کے حق کو محدود کرنا ، سلامتی کونسل کو ‘ عالمی امن و امان کے لئے مؤثر اور قابل اعتماد محافظ’بنانے کے لیے کافی نہیں ہے۔
The post خوزے راموس ہورتا: سلامتی کونسل ‘ناکارہ’ اور جانکنی کی حالت میں ہے appeared first on شیعہ نیوز پاکستان.
