شیعہ نیوز: خاتم الانبیا مرکزی ہیڈکوارٹر کے ترجمان نے دشمن کو خبردار کیا ہے کہ اگر ہمارے بنیادی ڈھانچے پر حملہ ہوگا تو علاقے میں جو بنیادی ڈھاںچے بچے ہوئے ہیں، ان سب پر حملہ کریں گے
ایران کی مسلح افواج کے خاتم الانبیا مرکزی ہیڈکواٹر کے ترجمان کرنل ذوالفقاری نے خبردار کیا ہے کہ ایران کے بنیادی ڈھاںچے پر حملہ ہوا تو علاقے کا کوئی بھی بنیادی ڈھانچہ محفوظ نہیں رہے گا۔
خاتم الانبیا مرکزی ہیڈکواٹر کے ترجمان کے انتباہ کا متن مندرجہ ذیل ہے:
یہ بھی پڑھیں : ایران کی فوج کا اردن میں امریکی اڈے پر ڈرون حملہ
بسم اللہ الرّحمن الرّحیم
جرائم پیشہ امریکہ نے سرکشی اور علاقے میں بدامنی کا سلسلہ جاری رکھا ہے۔
ہم ایک بار پھر واضح کررہے ہیں کہ امریکہ کو جو اس علاقے سے باہر کا غیر ملک ہے، آبنائے ہرمز میں مداخلت کی اجازت نہیں دیں گے۔ یہ ہماری ناقابل شکست ریڈ لائن ہے۔
اگر اندر سے کھوکھلے امریکی صدر کی ایران کے بنیادی ڈھانچوں کو نشانہ بنانے کی دھمکیوں پر جارح فوج نے عمل کیا تو ایران کی نجابت کی وجہ سے، اب تک محفوظ رہنے والے علاقے کے سبھی بنیادی ڈھانچے، اسلامی جمہوریہ ایران کی سیسہ پلائی ہوئی طاقتور افواج کے مہلک ترین واروں کا اس طرح نشانہ بنیں گے کہ ان کا نام و نشان بھی باقی نہیں رہے گا۔
یعنی علاقے کے سبھی بنیادی ڈھانچے اسلامی جمہوریہ ایران کی طاقتور مسلح افواج کے فولادی واروں کا نشانہ بنیں گے اور اس طرح ختم ہوں گے کہ گویا تھے ہی نہیں۔
نادان دشمن جان لے کہ ہمارے لئے ہنگام جنگ، کسی رورعایت کا وقت نہیں ہے اور ہماری مسلح افواج کے واربرتر ہوتے ہیں اور اپنا ثانی نہیں رکھتے اور اب ہمارے وار، ہمیشہ سے زیادہ شدید، زیادہ وسیع اور انتہائی تباہ کن ہوں گے۔ اس قوم نے کبھی کسی کے سامنے سرتسلیم خم نہیں کیا ہے۔ اس کی آتش غضب جارحین کو جلاکرخاکستر کردے گی۔
و ماالنصر الا من عنداللّہ العزیز الحکیم
The post دشمن کو خاتم الانبیا مرکزی ہیڈکواٹر کے ترجمان کا انتباہ appeared first on شیعہ نیوز پاکستان.
