شیعہ نیوز: سپاہ پاسداران انقلاب اسلامی کے کمانڈر کے مشیر جنرل محمد رضا نقدی نے خبردار کیا ہے کہ اگر ایران کے خلاف دوبارہ جنگ چھیڑنے کی کوشش کی گئی، تو یہ جنگ اسرائیل کی تباہی سے پہلے ختم نہیں کی جائے گی۔
جنرل محمد رضا نقدی نے ہفتہ “بسیج رضاکار فورس” کے موقع پر اپنے خطاب میں کہا کہ آج دشمن اپنی کمزورترین پوزیشن پر ہے اور دوسری جانب ہم ہیں جو ممکنہ فیصلہ کن جنگ کے لیے لمحے گن رہے ہیں۔
انہوں نے کہا کہ اپنی خودمختاری، وقار اور ایمان کو محفوظ بنانے کے لیے ہر طرح کی سختی برداشت کرنے کے لیے تیار ہیں۔
یہ بھی پڑھیں : پاکستان ایران سے بجلی کتنے روپے فی یونٹ خریدتا ہے؟ سینیٹ میں وضاحت
سپاہ پاسداران کے کمانڈر کے مشیر نے ایران کے اسلامی انقلاب کے بعد امریکی سازشوں کا ذکر کرتے ہوئے کہا کہ ایران میں اسلامی انقلاب کی کامیابی کے بعد جب واشنگٹن اندرونی بکے ہوئے عناصر سے ناامید ہوگیا تو اس نے عراق کے سابق آمر صدام حسین اور بعث پارٹی کو اپنی پراکسی کے طور پر ایران کے خلاف میدان میں اتارا اور اس کے بعد متعدد فتنہ پروریوں کا ارتکاب کیا لیکن بسیج رضاکار فورس نے بروقت کردار ادا کرتے ہوئے ہر دور میں دشمنوں کی سازشوں پر پانی پھیر دیا۔
انہوں نے صیہونی حکومت کو امریکہ کی آخری پراکسی قرار دیتے ہوئے کہا کہ اب پراکسی عناصر کا دور ختم ہو رہا ہے اور ہم آخری سانس تک اور خون کے آخری قطرے تک اپنے اقدار کی حفاظت کرتے رہیں گے اور حتمی کامیابی تک اس راستے پر گامزن رہیں گے۔
جنرل محمد رضا نقدی نے زور دیکر کہا کہ اسلام کے وقار کے دن لوٹ چکے ہیں اور دشمنوں کو جان لینا چاہیے کہ ان کی مٹی بسیج رضاکار فورس کے ہاتھوں ہی پلید ہوگی۔
انہوں نے زور دیکر کہا کہ فلسطین آزاد ہوکر رہے گا اور 20 ہزار مظلوم شہید فلسطینی بچوں کے خون کا بدلہ ضرور لیا جائے گا اور مغربی دنیا اس کا مشاہدہ کرے گی۔
The post دوبارہ جنگ مسلط کی گئی، تو اسرائیل کا کام تمام کرکے ہی جنگ ختم کریں گے، جنرل محمد رضا نقدی appeared first on شیعہ نیوز پاکستان.
