شیعہ نیوز: اسلامی جمہوریہ ایران کے نائب وزیر خارجہ اور سینیئر مذاکرات کار نے دوحہ میں قطر کے مرکزی بینک کے اعلی عہدیداروں کے ساتھ ایرانی وفد کی نشست کی خبر دی ہے
اسلامی جمہوریہ ایران کے نائب وزیر خارجہ اور سینیئر مذاکرات کار کاظم غریب آبادی نے جو اسلام آباد مفاہمتی یاد داشت پر عمل درآمد کی پیروی کے لئے، دوحہ گئے تھے، بتایا ہے کہ بدھ یکم جولائی کی صبح ، قطر کے وزیر اعظم اور وزیر خارجہ سے مذاکرات ہوئے اور اس کے بعد ایران، پاکستان اور قطر کی دو، سہ فریقی نشستیں انجام پائيں۔
انھوں نے بتایا کہ پہلی سہ فریقی نشست میں مفاہمتی یاد داشت پر عمل درآمد کے نگراں، تینوں ملکوں کے گروہوں نے شرکت کی اور اس نشست میں اسلامی جمہوریہ ایران نے لبنان میں جنگ کے خاتمے سے متعلق مفاہمتی یاد داشت کی پہلی شق کی امریکہ کی جانب سے خلاف ورزی، علاقے میں اپنی افواج کو جنگی وسائل پہنچانے نیز ان کی تقویت کے امریکی اقدامات اور امریکی حکام کے مداخلت پسندانہ دھمکی آمیز بیانات کے جائزہ پیش کیا۔
کاظم غریب آبادی نے بتایا کہ ایرانی وفد نے اس میٹنگ میں کہا کہ مفاہمتی یاد داشت، ایک پیکیج ہے اور اس کی شقوں کو الگ الگ نہیں دیکھا جاسکتا۔
یہ بھی پڑھیں : قالیباف: بمباری کا نشانہ بننے والی سائٹوں کی تفتیش کی اجازت دینے کی خبر جھوٹی ہے
انھوں نے کہا کہ اس میٹنگ میں فیصلہ کیا گیا کہ نگراں گروہوں کے درمیان رابطہ چینل فوری طور، کل تک، تشکیل دے دیا جائے اور مفاہمتی یاد داشت کے نقائص کی باضابطہ دستاویزی شکل میں اطلاع دی جائے، ان کا جائزہ لیا جائے اور اس سلسلے میں فیصلہ کیا جائے۔
اسلامی جمہوریہ ایران کے سینئر مذآکرات کار کاظم غریب آبادی نے بتایا کہ قطر کے مرکزی بینک کے اعلی عہدیداروں کے ساتھ میٹنگ سمیت قطری حکام کے ساتھ نشستوں میں اس بات کا جائزہ لیا گیا کہ ریلیز کئے جانے والے پہلے 6 ارب ڈالر کہاں خرچ کئے جائيں، اور طے پایا کہ یہ رقم ایران کے اختیار میں رہے گی اور وہ اپنی ضرورت کے مطابق اس رقم سے خریداری کرے گا۔
ایران کے نآئب وزیر خارجہ کاظم غریب آبادی نے بتایا کہ دوحہ میں امریکی وفد کے ساتھ ایرانی وفد کی کوئی میٹنگ نہیں ہوئی۔
The post دوحہ مذاکرات کی تفصیلات appeared first on شیعہ نیوز پاکستان.
