شیعہ نیوز: سپاہ پاسداران انقلاب اسلامی کی بحریہ نے اعلان کیا ہے ایران کے ساحلی علاقوں پر امریکی بمباری کے بعد، علاقے میں امریکی مفادات کو نشانہ بنایا گیا۔
اس بیان میں آيا ہے کہ آبنائے ہرمز میں ایران کے طے شدہ قوانین کی خلاف ورزی کرنے والے جہاز کے نشانہ بننے کے بہانے امریکہ نے اسلامی جمہوریہ ایران کے ساحلی علاقوں پر فضائی حملہ کیا۔
سپاہ پاسداران انقلاب اسلامی کی بحری فورس نے باضابطہ طور پر اعلان کیا کہ امریکہ نے ہمیشہ کی طرح بدعہدی کرتے ہوئے آبنائے ہرمز میں ایران کے طے کردہ راستے کی خلاف ورزی کرنے والے جہاز کے نشانہ بننے کے بہانے ایران کے ساحلی علاقے پر بمباری کی۔
یہ بھی پڑھیں : آبنائے ہرمز سے جہازوں کو نکالنے کا آپریشن رک گیا
اس بیان میں آیا ہے کہ لبنان کے جنوبی علاقوں میں جنگ بندی کی خلاف ورزی اور ایران کے ارضی حدود پر جاحیت کے جواب میں سپاہ پاسداران انقلاب کی بحریہ نے خطے میں امریکی فوج کے مراکز کو نشانہ بنایا۔
سپاہ پاسداران انقلاب نے اعلان کیا ہے کہ جنگ کے خاتمے کے سمجھوتے کے مطابق، آبنائے ہرمز میں آمد و رفت کو کنٹرول کرنے کی ذمہ داری اسلامی جمہوریہ ایران کی ہے لیکن امریکہ نے مختلف حربوں کے ذریعے اس شق کی خلاف ورزی کرنے کی کوشش کی جس کا ضروری جواب دے دیا گیا اور اس کے بعد بھی یہی سلسلہ جاری رہے گا۔
سپاہ پاسداران نے انتباہ دیا ہے کہ جارحیت دوہرائے جانے کی صورت میں، ایران کی جوابی کارروائی اس سے کہیں زیادہ وسیع ہوگی۔
The post دہشت گرد امریکی فوج کے ٹھکانوں پر سپاہ پاسداران انقلاب کی جوابی کارروائی appeared first on شیعہ نیوز پاکستان.
