شیعہ نیوز: شہر رام اللہ کے شمال میں واقع قصبہ ترمسعیا کے داخلی راستے کے قریب منگل کی علی الصبح قابض اسرائیلی افواج کی فائرنگ سے ایک فلسطینی نوجوان شہید اور دوسرا زخمی ہو گیا۔
رپورٹ کے مطابق قابض اسرائیلی افواج نے قصبہ ترمسعیا کے مرکزی داخلی راستے کے قریب دو نوجوانوں پر اندھا دھند گولیاں برسائیں جس کے نتیجے میں سنجل قصبہ سے تعلق رکھنے والا نوجوان سلیم سامی فقہا موقع پر ہی جام شہادت نوش کر گیا اور قابض فوج کے سپاہیوں نے اس کا جسد خاکی غیر قانونی طور پر قبضے میں لے لیا جبکہ دوسرا نوجوان فتحی علی ساحوری اس حملے میں زخمی ہوا۔
یہ بھی پڑھیں : صہیونی ۔امریکی جارحیت اور خامنہ ای کی شہادت مزاحمت کا عزم نہیں توڑ سکتی،حماس
قصبہ ترمسعیا کا شمالی داخلی راستہ قابض اسرائیلی افواج کی مستقل تعیناتی اور وہاں سے گزرنے والے نہتے شہریوں اور گاڑیوں پر بلا اشتعال فائرنگ کی وجہ سے مسلسل صہیونی سفاکیت اور کشیدگی کا مرکز بنا ہوا ہے۔
نوجوان سلیم فقہا کی شہادت کے بعد رواں سال کے آغاز سے اب تک مغربی کنارہ اور مقبوضہ القدس میں قابض دشمن کی نسل کشی کی پالیسی کے نتیجے میں شہید ہونے والے فلسطینیوں کی مجموعی تعداد 29 ہو گئی ہے۔
The post رام اللہ کے شمال میں قابض اسرائیل کی فائرنگ سے ایک فلسطینی شہید اور دوسرا زخمی appeared first on شیعہ نیوز پاکستان.
