حوزہ/ ممبئی کے مزگاؤں علاقے میں واقع رحمت آباد قبرستان محض ایک مدفن نہیں، بلکہ شہر کی شیعہ برادری کی مذہبی و سماجی تاریخ، ایرانی ہجرت کی داستان اور صدیوں پر محیط ثقافتی ورثے کی ایک اہم علامت ہے۔ ممبئی کی ہیریٹیج فہرست میں ’رحمت آباد مغل قبرستان‘ کے نام سے درج یہ مقام گریڈ II-A ورثے کا درجہ رکھتا ہے۔ محرم کی مجالس اور عزاداری کی روایات سے گہرا تعلق رکھنے والا رحمت آباد آج بھی ماضی کی یادوں اور موجودہ مذہبی زندگی کے درمیان ایک زندہ رابطہ ہے۔
