شیعہ نیوز: ایک رپورٹ کے مطابق امریکہ سے تیل کی وسیع پیمانے پر سپلائی کے باوجود ، عالمی بازار میں تیل کی کمی پوری نہيں ہو رہی ہے۔
رپورٹ کے مطابق امریکی خام تیل کی ایشیا میں بڑی مقدار میں آمد کے باوجود، آبنائے ہرمز سے آنے والے تیل کو روکنے سے جو کمی پیدا ہوئی ہے اس کی بھرپائی نہيں ہو پا رہی ہے۔
کموڈٹی تجزیہ فرم “کپلر” کے اعداد و شمار کے مطابق، مئی میں ایشیا میں امریکہ سے خام تیل کی درآمد 63.56 ملین بیرل تک پہنچ گئی، جو ایک ماہ کے لیے ریکارڈ بلند ترین سطح ہے ۔
یہ بھی پڑھیں : خوزے راموس ہورتا: سلامتی کونسل ‘ناکارہ’ اور جانکنی کی حالت میں ہے
رپورٹ کے مطابق ایشیا میں امریکی خام تیل کی اوسط یومیہ درآمد 2.05 ملین بیرل تھی، جو جون 2023 کے 2.07 ملین بیرل یومیہ کے ریکارڈ سے قدرے کم ہے۔
رپورٹ کے مطابق ان حالات میں بھی امریکہ سے تیل کی مزيد کھیپ ایشیا بھیجی جا رہی ہے اور کپلر کے اندازے کے مطابق، جون میں ایشیا میں امریکہ سے تیل کی درآمد 2.32 ملین بیرل یومیہ اور جولائی میں 3.07 ملین بیرل یومیہ تک پہنچ جائے گی۔ یہ اوسط 1.37 ملین بیرل یومیہ سے دوگنا سے بھی زیادہ ہے جو ایشیا نے فروری کے آخر تک ختم ہونے والے تین مہینوں میں امریکہ سے درآمد کیا تھا۔
امریکہ اور صیہونی حکومت نے گزشتہ 28 فروری کو ایران کے خلاف مشترکہ جارحیت کا آغاز کیا جس کے جواب میں تہران نے آبنائے ہرمز بند کر دیا۔
یہ وہ آبی گزرگاہ ہے جہاں سے جنگ سے قبل دنیا کا تقریبا 20 فیصد خام تیل اور تیل کی مصنوعات گزرتی تھیں۔
The post روئٹرز: ایشیا میں امریکی خام تیل کے سیلاب کے باوجود، ہرمز کی کمی دور نہيں ہو رہی appeared first on شیعہ نیوز پاکستان.
