شیعہ نیوز: مسلح افواج کے سپریم کمانڈر کے حکم پر مسلح افواج کے جنرل اسٹاف، سپاہ پاسداران اور بسیج میں 6 اہم عسکری و انتظامی عہدوں پر نئے کمانڈروں کی تعیناتی کردی گئی۔
رپورٹ کے مطابق رہبر انقلاب اسلامی و مسلح افواج کے کمانڈر ان چیف آیت اللہ سید مجتبی حسینی خامنہ ای نے الگ الگ احکامات جاری کرتے ہوئے مسلح افواج کے جنرل اسٹاف، سپاہ پاسداران انقلاب اسلامی اور بسیج مستضعفین کے 6 اعلی کمانڈروں اور حکام کی نئی ذمہ داریوں کا اعلان کیا۔
رہبر معظم کے حکم کے مطابق میجر جنرل علی عبداللہی کو مسلح افواج کے جنرل اسٹاف کا سربراہ جبکہ بریگیڈیئر جنرل کیومرث حیدری کو مسلح افواج کے جنرل اسٹاف کے نائب سربراہ مقرر کیا گیا ہے۔
یہ بھی پڑھیں : رہبر انقلاب کی سب سے اہم ہدایت اختلاف سے گریز اور اتحاد کا تحفظ تھی، صدر پزشکیان
اسی طرح بریگیڈیئر جنرل پاسدار احمد وحیدی کو میجر جنرل کا عہدہ عطا کرتے ہوئے سپاہ پاسداران انقلاب اسلامی کا کمانڈر ان چیف مقرر کیا گیا ہے، جبکہ میجر جنرل مصطفی ایزدی کو سپاہ پاسداران کے کمانڈر ان چیف کا نائب مقرر کیا گیا ہے۔
جاری کیے گئے احکامات کے تحت ریئر ایڈمرل پاسدار علی عظمایی کو سپاہ پاسداران کی بحریہ کا کمانڈر مقرر کیا گیا، جبکہ حجۃ الاسلام والمسلمین حسین طائب کو بسیج مستضعفین کی تنظیم کا سربراہ مقرر کیا گیا ہے۔
The post رہبر معظم کے دستور پر ایرانی مسلح افواج، سپاہ اور بسیج کے 6 اعلی کمانڈروں کی تقرری appeared first on شیعہ نیوز پاکستان.
