شیعہ نیوز: قائد حزب اختلاف اور مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے کہا کہ شہید رہبر انقلاب اسلامی آیت اللہ العظمیٰ سید علی خامنہ ای کو خراج عقیدت پیش کرنے کیلئے اس کانفرنس کا مقصد امت مسلمہ کو ایک ایسے فکری و عملی عہد کی طرف متوجہ کرنا ہے جو اسے کمزوری، تفرقہ اور مایوسی سے نکال کر قوت، وحدت اور امید کی طرف لے جائے۔
یہ بھی پڑھیں : شیعیان ِ حیدرکرارؑ نے تاریخ رقم کردی، مینار پاکستان شہید رہبر آیت اللہ خامنہ ای ؒ سے عشق ومحبت کا گواہ بن گیا
مینار پاکستان پر شہیدِ امت کانفرنس سے خطاب کے دوران انہوں نے کہا کہ رہبرِ شہید کی شہادت نے ایک فرد کو تاریخ سے رخصت نہیں کیا بلکہ ایک فکر کو مزید وسعت اور توانائی عطا کی ہے، اگر اس شہادت کا کوئی سب سے بڑا پیغام ہے تو وہ یہی ہے کہ امتِ مسلمہ اپنی مصنوعی تقسیموں سے بلند ہو، مشترک اقدار کے گرد جمع ہو، حق و انصاف کے ساتھ کھڑی ہو اور ایک ایسی امتِ واحدہ کی تشکیل کی طرف پیش قدمی کرے جو انسانیت کے لیے عدل، عزتِ نفس اور آزادی کی علمبردار بن جائے۔
The post رہبر کی شہادت کا سب سے بڑا پیغام یہی ہے کہ امتِ مسلمہ اپنی مصنوعی تقسیموں سے بلند ہو، مشترک اقدار کے گرد جمع ہو،علامہ راجہ ناصرعباس appeared first on شیعہ نیوز پاکستان.
