حوزہ/تحریکِ بیداری امت مصطفیٰ (ص) پاکستان کے سربراہ نے یومِ اقبالؒ کے موقع پر منعقدہ قومی اردو کانفرنس سے خطاب میں کہا ہے کہ اگر زبان کمزور ہو جائے تو قوم کی فکری بنیادیں بھی کمزور پڑ جاتی ہیں؛ اردو زبان ہماری قومی پہچان کا مظہر اور فکری وحدت کی بنیاد ہے، لہٰذا اس کا تحفظ، فروغ اور نفاذ قومی فریضہ ہے۔ قومی ترقی اور فکری استحکام کے لیے اردو زبان کو سرکاری، دفتری اور تعلیمی سطح پر مکمل طور پر رائج کرنا وقت کی اہم ضرورت ہے۔
