شیعہ نیوز: چیئرمین مجلس وحدت مسلمین پاکستان اور قائد حزب اختلاف سینیٹ علامہ راجہ ناصر عباس جعفری سے وفاقی وزیر داخلہ سید محسن نقوی اور وزیرِ مملکت برائے داخلہ سینیٹر طلال چوہدری نے اپوزیشن لیڈر کے چیمبر میں ملاقات کی۔ملاقات میں ملک کی سیاسی و سیکیورٹی صورتحال، محرم الحرام کے انتظامات اور دیگر اہم امور پر تبادلۂ خیال کیا گیا۔
یہ بھی پڑھیں : پنجاب حکومت کا متعصبانہ اقدام، اتحاد بین المسلمین کےداعی علامہ امین شہیدی پر پنجاب داخلے پرپابندی عائد
علامہ راجہ ناصر عباس جعفری نے ایران۔امریکہ مذاکرات میں پاکستان کے مثبت کردار اور خطے میں امن کے لیے کی گئی سفارتی کاوشوں کو سراہا۔انہوں نے محرم الحرام کے دوران بالخصوص پنجاب میں عزاداروں کو درپیش مسائل کی نشاندہی کرتے ہوئے ان کے فوری حل کی ضرورت پر زور دیا۔ وفاقی وزیر داخلہ سید محسن نقوی نے مسائل کو ترجیحی بنیادوں پر حل کرنے کی یقین دہانی کرائی۔
The post سربراہ ایم ڈبلیوایم وقائد حزب اختلاف علامہ راجہ ناصرعباس سے وزیر داخلہ محسن نقوی وطلال چوہدری کی ملاقات appeared first on شیعہ نیوز پاکستان.
