شیعہ نیوز: سربراہ شیعہ علماء کونسل و اسلامی تحریک پاکستان علامہ سید ساجد علی نقوی کی اہلیہ محترمہ داعی اجل کو لبیک کہہ کر خالق حقیقی سے جا ملیں۔
تفصیلات کے مطابق علامہ سید ساجد علی نقوی کی اہلیہ محترمہ ، ڈاکٹر سید عون ساجد نقوی ، محمد ساجد نقوی اور علی ساجد نقوی کی والدہ محترمہ رحلت فرماگئیں۔
مرحومہ کی نماز جنازہ جامع امام الصادقؑ جی نائن ٹو اسلام آباد میں علامہ ساجد علی نقوی کی زیر اقتداء کی گئی۔
نماز جنازہ میں اہل خانہ سمیت علمائے کرام، سیاسی ومذہبی شخصیات سمیت مومنین کی کثیر تعداد نے شرکت کی۔
یہ بھی پڑھیں : اہلیان کواردوکاظم آباد کا ایم ڈبلیوایم امیدوار حلقہ2 سکردو کاظم میثم پر بھرپور اعتماد کا اظہار
بعد ازاں مرحومہ کے جسد خاکی کو تدفین کیلئے آبائی علاقے پنڈی گھیپ ضلع اٹک روانہ کردیا گیا۔
مرحومہ کی انتقال پر ملک کی نامور مذہبی وسماجی شخصیات نے دلی رنج وغم اور افسوس کا اظہار کیا ہے ۔
The post سربراہ شیعہ علماء کونسل و اسلامی تحریک پاکستان علامہ سید ساجد علی نقوی کی اہلیہ محترمہ رحلت فرماگئیں appeared first on شیعہ نیوز پاکستان.
