شیعہ نیوز: ایرانی میڈیا نے دعویٰ کیا ہے کہ سعودی عرب کے مشرق میں واقع الجبیل تیل تنصیب پر بڑی آگ بھڑک اٹھی ہے۔
آگ کی ویڈیو جاری کرتے ہوئے یہ نہیں بتایا گیا کہ آگ کیسے لگی تاہم آگ کے شعلے میلوں دور سے دیکھے جاسکتے ہیں اور دھوئیں کے بادل آسمان کو گھیرے ہوئے ہیں۔
یہ بھی پڑھیں : ایتمار بن گویر کا مسجد اقصیٰ پر دھاوا بین الاقوامی قانون کی سنگین خلاف ورزی ہے، اردن
سعودی عرب کی وزارت دفاع کی جانب سے جاری بیان میں کہا گیا ہے کہ ایئرڈیفنس نظام نے مشرقی علاقے پر فائر کیے گئے سات بیلسٹک میزائلوں کو تباہ کردیا ہے۔
ان میزائلوں کا ملبہ ایک توانائی سے متعلق ایک تنصیب پر گرا۔جس سے پیدا نقصانات کا جائزہ لیا جارہا ہے۔
دوسری جانب سعودی عرب اور بحرین کو ملانے والے اہم زمینی رابطے کنگ فہد کاز وے کو عارضی بندش کے بعد دوبارہ ٹریفک کے لیے کھول دیا گیا۔
عرب میڈیا کے مطابق کنگ فہد کاز وے اتھارٹی نے تصدیق کی ہے کہ اسٹریٹجک پل پر گاڑیوں کی آمدورفت مکمل طور پر بحال کر دی گئی ہے۔
یہ پل آج سیکیورٹی الرٹ کے باعث احتیاطی طور پر کچھ وقت کے لیے بند کر دیا گیا تھا۔
حکام کا کہنا ہے کہ صورتِ حال معمول پر آنے کے بعد ٹریفک کی روانی بحال کر دی گئی ہے جبکہ مسافروں کو سفر سے قبل تازہ ترین ہدایات چیک کرنے کی بھی ہدایت کی گئی ہے۔
The post سعودی عرب میں الجبیل تیل تنصیب پر بڑی آگ بھڑک اٹھی appeared first on شیعہ نیوز پاکستان.
