شیعہ نیوز: سعودی عرب میں المناک حادثہ پیش آیا ہے۔ مکہ سے مدینہ جارہی بس کی آئل ٹینکر سےٹکر ہو گئی ہے۔ اس افسوسناک حادثے میں 42 بھارتی زائرین کے جاں بحق ہونے کا اندیشہ ہے۔
سعودی عرب میں پیر کے روز علی الصبح ایک بھیانک سڑک حادثے میں کم سے کم 42 بھارتی عمرہ زائرین کے جاں بحق ہونے کا انداشہ ہے۔ ان میں سے کئی زائرین کے تلنگانہ کے حیدرآباد سے ہونے کی معلومات سامنے آئی ہے۔ حادثہ اس وقت پیش آیا جب مکہ سے مدینہ جارہی ایک بس مفریحات علاقے کے پاس ایک ڈیزل ٹینکر سے ٹکراگئی۔
یہ بھی پڑھیں : روس اور مصر کے وزرائے خارجہ کی ٹیلفونک گفتگو، ایران کے جوہری پروگرام پر مشاورت
ابتدائی رپورٹوں کے مطابق ٹکر اتنی شدید تھی کہ کہ کئی زائرین کی موقع پر ہی موت ہوگئی۔ جب کہ کئی دیگر زخمی ہوئے ہیں۔
مقامی انتظامیہ اور ایمرجنسی ٹیمیں فوری طورپر موقع واردات پر پہنچیں اور راحت اور بچاؤ کام شروع کیا۔ اس خبر کے بعد سعودی عرب بالخصوص بھارت میں غم کی لہر دوڑ گئی۔
واقعہ کی اطلاع ملتے ہی تلنگانہ کے وزیراعلیٰ ریونت ریڈی نے اس واردات پر فوری نوٹس لیتے ہوئے چیف سیکریٹری کے رام کرشن راؤ اورڈی جی پی بی شیوادھر ریڈی کو پوری معلومات حاصل کرنے کا حکم دیا ہے۔
اس سلسلے میں ریاستی حکومت وزارت خارجہ (ایم ای اے)اور نئی دہلی میں سعودی عرب کے سفارت حانہ کے ساتھ مل کر متاثرہ خاندانوں کی مدد کی کوششوں میں مصروف ہوگئی ہے۔
The post سعودی عرب میں المناک حادثہ، 42 بھارتی زائرین کے جاں بحق appeared first on شیعہ نیوز پاکستان.
