شیعہ نیوز: سعودی میری ٹائم ٹرانسپورٹ اتھارٹی نے بحیرۂ احمر میں آئل ٹینکر امزان کو پیش آنے والے سکیورٹی واقعے کی تصدیق کرتے ہوئے کہا ہے کہ جہاز کے تمام عملے کے ارکان محفوظ ہیں۔
رپورٹ کے مطابق سعودی عرب کی میری ٹائم ٹرانسپورٹ اتھارٹی نے بحیرۂ احمر میں سعودی آئل ٹینکر امزان پر حملے کی تصدیق کردی ہے۔
یہ بھی پڑھیں : یمنی مسلح افواج کا سعودی عرب پر زوردار طمانچہ، بحیرۂ احمر میں حملہ آور ٹینکر نشانہ بنایا گیا
تفصیلات کے مطابق، سعودی میری ٹائم ٹرانسپورٹ اتھارٹی نے اعلان کیا کہ مذکورہ آئل ٹینکر کو بحیرۂ احمر میں ایک سکیورٹی واقعے کا سامنا کرنا پڑا، تاہم جہاز پر موجود تمام عملہ محفوظ ہے۔
اس سے قبل یمن کی مسلح افواج کے ترجمان جنرل یحیی سریع نے ایک بیان میں کہا تھا کہ یمنی افواج نے خدا کی مدد سے بحیرۂ احمر کے شمالی حصے میں ینبع کے ساحل کے قریب سعودی دشمن کے آئل ٹینکر امزان کو بیلسٹک میزائل سے نشانہ بنایا۔
جنرل یحیی سریع کے مطابق حملہ براہ راست اور درست تھا، جس کے نتیجے میں آئل ٹینکر میں آگ لگ گئی جبکہ ہدف کے علاقے میں موجود کئی دیگر بحری جہاز وہاں سے فرار ہوگئے۔
یمنی ترجمان نے کہا کہ یہ کارروائی سعودی دشمن پر بحری پابندی عائد کرنے اور محاصرے کے مقابلے میں محاصرہ کے اصول کو نافذ کرنے کے لیے یمنی مسلح افواج کے فیصلے پر عملدرآمد کے سلسلے میں کی گئی۔
The post سعودی عرب نے آئل ٹینکر امزان پر حملے کی تصدیق کردی appeared first on شیعہ نیوز پاکستان.
