شیعہ نیوز: سعودی عرب نے امریکہ اور ایران میں ہونے والی 2 ہفتوں کی جنگ بندی کا خیر مقدم کیا ہے۔
سعودی وزارت خارجہ کا کہنا ہے کہ آبنائے ہرمز کو کھلنا چاہیے، امید ہے جنگ بندی جامع پائیدار امن کی طرف لے جائے گی۔
اس سے قبل ملائیشین وزیراعظم انور ابراہیم نے خطے میں دیرپا امن کے قیام پر زور دیا ہے۔
یہ بھی پڑھیں : ایران کی سپریم نیشنل سکیورٹی کونسل کی جنگ بندی معاہدے کی توثیق
انہوں نے کہا کہ ایران کی 10 نکاتی تجویز کو عملی شکل دے کر ایک جامع امن معاہدے میں تبدیل کیا جائے اور ایسا معاہدہ کیا جائے جو ناصرف ایران بلکہ عراق، لبنان اور یمن کے لیے بھی استحکام کا باعث بنے۔
برطانوی وزیراعظم کیئر اسٹارمر کا کہنا ہے کہ جنگ بندی معاہدہ خطے اور دنیا کے لیے راحت کا باعث بنے گا۔
فرانسیسی صدر نے کہا کہ خطے میں جنگ بندی شرائط کے مکمل احترام کی ضرورت ہے، امریکہ ایران جنگ بندی کا اعلان بہت اچھا ہے، لبنان میں صورت حال اب بھی تشویشناک ہے، امریکہ ایران معاہدے میں لبنان بھی شامل ہونا چاہیے۔
واضح رہے کہ امریکی صدر ڈونلڈ ٹرمپ نے وزیرِ اعظم شہباز شریف کی جانب سے کی جانے والی 2 ہفتے کی جنگ بندی کی درخواست کو قبول کر لیا ہے۔
The post سعودی عرب کا امریکہ اور ایران جنگ بندی کا خیرمقدم appeared first on شیعہ نیوز پاکستان.
