شیعہ نیوز: آیت اللہ العظمی سید علی سیستانی کی جانب سے علی خامنہ ای کی شہادت پر صادر کردہ تعزیتی بیان میں آیت اللہ سیستانی نے کہا کہ “ہم نہایت رنج و غم کے ساتھ ایرانی شریف عوام اور دنیا بھر کے تمام مسلمانوں کو اسلامی جمہوریہ ایران کے رہبرِ معظم حضرت آیت اللہ سید علی خامنہ ایؒ کی شہادت پر تعزیت پیش کرتے ہیں۔
اس عظیم شخصیت کا بلند مقام اور اسلامی جمہوریہ کے نظام کی طویل عرصے تک قیادت میں ان کا منفرد کردار سب پر عیاں اور واضح ہے۔
بلاشبہ دشمنوں نے ان کے قتل اور ملک پر وسیع پیمانے پر فوجی جارحیت مسلط کر کے ایرانِ عزیز اور مومنین کو نقصان پہنچانے کی کوشش کی ہے۔
یہ بھی پڑھیں : میزائل حملوں میں اب تک 560 امریکی فوجی ہلاک ہو چکے ہیں، ایران
ایسے نازک اور حساس حالات میں اس سرزمین کی عظیم قوم سے توقع کی جاتی ہے کہ وہ قومی وحدت اور ہم آہنگی کو برقرار رکھے اور حملہ آوروں کو اپنے مذموم مقاصد میں کامیاب نہ ہونے دے۔
ہم خدائے بزرگ و برتر سے مرحوم سعید کے لیے درجات کی بلندی اور رضائے الٰہی کی دعا کرتے ہیں، اور تمام سوگواروں کے لیے صبرِ جمیل اور اجرِ عظیم کی درخواست کرتے ہیں۔
The post سپریم لیڈر آیت اللّٰہ علی خامنہ ای کی شہادت پر سید علی سیستانی کا تعزیتی بیان appeared first on شیعہ نیوز پاکستان.
