شیعہ نیوز: مجلس وحدت مسلمین پاکستان، گلگت بلتستان کے صدر علامہ سید علی رضوی نے معدنیات سے منسلک تاجروں کے دھرنے میں بھرپور شرکت کرنے کا اعلان کر دیا۔ اپنے ایک پیغام میں علامہ سید علی رضوی نے کہا ہے کہ کافی عرصے سے عوام مسائل کے گرداب میں ہیں، جب سے لینڈ ریفارمز بل پاس ہوا ہے عوام کا ظلم کا سلسلہ جاری ہے۔
ایم ڈبلیو ایم گلگت بلتسیان کے صدر نے کہا کہ حال ہی میں جیمز اور منرلز والوں پر پابندی لگائی گئی، راستے میں روک کر انہیں اغوا کیا گیا، انہیں ڈرا دھمکایا جا رہا ہے، ہم اس عمل کی پرزور مذمت کرتے ہیں، اور حکومت و مقتدر حلقوں سے مطالبہ کرتے ہیں کہ وہ ان حرکتوں سے باز رہیں اور عوام کو ریلیف دینے کی کوشش کریں۔
یہ بھی پڑھیں: وفاقی حکومت نے تحریک لبیک پاکستان کو کلعدم قرار دے دیا، نوٹفیکیشن جاری
علامہ سید علی رضوی نے مزید کہا کہ منرلز والوں کو مزید تنگ کیا گیا تو عوام روڈ پر نکلیں گے۔ روندو میں جس دھرنے کا اعلان کیا گیا ہے ہم اس کی بھرپور حمایت کرتے ہیں اور ایم ڈبلیو ایم کی پوری ٹیم، عوامی ایکشن کمیٹی، قوم پرست لیڈران اور ہر علاقے کے لوگ اس دھرنے کے ساتھ ہیں، ہم سب مل کر اپنے پہاڑوں اور زمینوں کو بچائیں گے۔ عوام غصے میں ہیں، حکومت نے عوام کو تنگ کرنے کا سلسلہ بند نہ کیا تو بعد میں پیدا ہونے والے حالات کے ہم ذمہ دار نہیں ہیں۔
The post سکردو: مجلس وحدت مسلمین کی جانب سے معدنیات کے تاجروں کے دھرنے کی حمایت کا اعلان appeared first on شیعہ نیوز پاکستان.
