شیعہ نیوز: لاہور کے علاقے اچھرہ میں تین پھول جیسےبچوں کے لرزہ خیز قتل کی تفتیش میں ہولناک انکشافات سامنے آئے ہیں۔ ذرائع کے مطابق تفتیشی حکام کا کہنا ہے کہ ملزمہ ردا اور اس کے دوست شہریار کے درمیان 746 کالز کا ریکارڈ موصول ہوا ہے، ماں نے چھپن چھپائی کھیل کے بہانے بچوں کو باری باری قتل کیا، ملزمہ نے پہلے ڈیڑھ سالہ بچی، پھر بیٹے اور آخر میں اپنی بڑی بیٹی کو بے دردی سے موت کے گھاٹ اتارا، قتل کی واردات کے بعد ملزمہ نے خون آلود کپڑے بدلے اور گھر کو تالا لگا کر اپنے شوہر کے ساتھ اسپتال چلی گئی۔
یہ بھی پڑھیں : احمق اور قاتل امریکی صدر ٹرمپ کیساتھ ناشتہ کرنا ہشام الہیٰ ظہیر کو مہنگا پڑ گیا
پولیس کے مطابق ملزمہ نے جرم کا اعتراف کر لیا، اس نے بتایا کہ وہ اپنے شوہر رمضان سے طلاق لیکر جھنگ کے شہر یار نامی لڑکے سے شادی کرنا چاہتی تھی، روزانہ فون پر رابط ہوتا تھا، موبائل ایپ کے ذریعے بھی پیسے منگواتی تھی لیکن شادی میں بچے سب سے بڑی رکاوٹ تھے۔ پولیس حکام کے مطابق ملزمہ 5 دن کے جسمانی ریمانڈ پر پولیس کی تحویل میں ہے اور تفتیش جاری ہے۔مقتول بچوں کی شناخت 5 سالہ مومنہ بتول (بیٹی)، 4 سالہ مومن رضا (بیٹا) اور ڈیڑھ سالہ ام حبیبہ (بیٹی) کے نام سے ہوئی ہے، تصویر میں دیکھا جاسکتا ہے کہ قتل ہونے والے بچے بلکل پھول کی صورت تھے۔
The post سگی ماں کے ہاتھوں تین پھول جیسےبچوں کے لرزہ خیز قتل کی تفتیش میں ہولناک انکشافات سامنے آگئے appeared first on شیعہ نیوز پاکستان.
