شیعہ نیوز: عراق کی تحریک (العہد) کے سیکرٹری جنرل اورالحشد الشعبی کے سابق معاون نے ایک ویڈیو پیغام جاری کرتے ہوئے امریکہ اور اسرائیل کے خلاف جہاد کا فتویٰ دیا۔
عراق کی تحریک (العہد) کے سیکرٹری جنرل سید ہاشم الــــحیدری نے کہا کہ امریکہ اوراسرائیل نے مغربی ممالک کے تعاون سے کھلم کھلا جارحیت کرتے ہوئے عالمِ اسلام کی ایک عظیم دینی مرجع اور ولیِ امرِ مسلمین کو شہید کیا۔
ہمیں اس جرم پر خاموش نہیں رہنا چاہیے۔ انتقام لینا دینِ خدا کی خاطر ہے، اور یہ ایک نہایت اہم شرعی، دینی، عقیدتی، اخلاقی اور انسانی مسئلہ ہے۔
یہ بھی پڑھیں : خلیج فارس کے شمال میں امریکی تیل بردار جہاز پر میزائل حملہ
عراق کی تحریک (العہد) کے سیکرٹری جنرل نے کہا کہ یہ معاملہ وطن، زبان، جماعت، قبیلہ یا تعصب کا نہیں، بلکہ اسلام، دین اور عقیدے کا مسئلہ ہے۔ یہ اللہ تعالیٰ کے حق کا معاملہ ہے۔
انہوں نے کہا کہ اس سلسلے میں یہ بات شرمناک ہے کہ اسلامی ممالک کے حکمران ایران کے خلاف امریکہ اوراسرائیل کی کارروائیوں پر خاموش تماشائی بنے ہوئے ہیں، جبکہ دوسرا فریق باہمی تعاون کے ساتھ بھرپور انداز میں کام کر رہا ہے۔
The post سید ہاشم الــــحیدری کا امریکہ اور اسرائیل کے خلاف جہاد کا فتویٰ جاری appeared first on شیعہ نیوز پاکستان.
