شیعہ نیوز: ایرانی پارلیمان میں قومی سلامتی اور خارجہ پالیسی کمیٹی کے چیئرمین ابراہیم عزیزی نے امریکہ کو خبردار کرتے ہوئے کہا ہے کہ وہ دن دور نہیں جب امریکی افواج کو نہ صرف خطے بلکہ ان تمام ممالک سے بھی نکلنا پڑے گا جہاں آج ان کے فوجی اڈے موجود ہیں۔
ابراہیم عزیزی نے بدھ کے روز اپنے سوشل میڈیا پلیٹ فارم ایکس پر ایک پیغام میں کہا کہ امریکہ کی خطے میں موجودگی دیرپا نہیں رہے گی اور بالآخر اسے اپنے فوجی اڈوں سمیت پورے خطے سے انخلا پر مجبور ہونا پڑے گا۔
یہ بھی پڑھیں : دبئی کے صنعتی علاقے میں دھماکے، آتش زدگی کی ویڈیو بنانے والے دو افراد گرفتار
انہوں نے لکھا کہ وہ دن زیادہ دور نہیں جب آپ کو صرف خطے ہی سے نہیں بلکہ ان تمام ممالک سے بھی نکال دیا جائے گا جو آج آپ کے دہشت گرد اڈوں کی میزبانی کر رہے ہیں۔
ایرانی رکنِ پارلیمان نے مزید کہا کہ اس مرحلے پر امریکہ کو اپنے بیرون ملک فوجی اڈوں پر خرچ ہونے والے وسائل اپنی داخلی سلامتی برقرار رکھنے کے لیے استعمال کرنا پڑیں گے۔
ابراہیم عزیزی کا کہنا تھا کہ خطے کے حالات اس سمت بڑھ رہے ہیں جہاں امریکی فوجی موجودگی کے خاتمے کا مطالبہ مزید شدت اختیار کرے گا اور بالآخر واشنگٹن کو اپنی پالیسیوں پر نظرثانی کرنا پڑے گی۔
The post سینئر ایرانی رکنِ پارلیمان کی امریکہ کو وارننگ، خطے سے انخلا قریب قرار appeared first on شیعہ نیوز پاکستان.
