شیعہ نیوز : سیکیورٹی فورسز نے ڈیرہ اسماعیل خان میں خفیہ اطلاعات پر کارروائی کے دوران بھارتی حمایت یافتہ 22 خوارج ہلاک کر دیئے۔
آئی ایس پی آر کے مطابق سیکیورٹی فورسز نے کارروائی کے دوران خوارج کے ٹھکانے کو موثر انداز میں نشانہ بنایا جس دوران شدید فائرنگ کے تبادلے میں 22 بھارتی حمایت یافتہ دہشتگرد ہلاک کر دیئے گئے۔
علاقے میں سیکیورٹی فورسز کی جانب سے کلیئرنس اور سینیٹائزیشن آپریشن جاری ہے، سیکیورٹی فورسز اور قانون نافذ کرنے والے ادارے انسدادِ دہشتگردی مہم جاری رکھیں گے، مہم کا مقصد بیرونی حمایت یافتہ دہشتگردی کے مکمل خاتمے کو یقینی بنانا ہے۔
دوسری جانب وزیراعظم شہباز شریف نے سیکیورٹی فورسز کو خراج تحسین پیش کیا ہے اور کہا کہ عزم استحکام کے تحت سیکیورٹی فورسز دہشتگردی کے خلاف بڑی کامیابیاں حاصل کر رہی ہیں۔
یہ بھی پڑھیں : خیبر پختونخوا ، رواں سال مختلف کارروائیوں میں 955 دہشتگرد جہنم واصل ہوئے
وزیر اعظم کا کہنا تھا کہ پوری قوم دہشت گردی کے خلاف اس جنگ میں اپنی افواج کے ساتھ کھڑی ہے اور ملک سے ہر قسم کی دہشت گردی کے مکمل خاتمے کے لئے پر عزم ہیں۔
The post سیکیورٹی فورسز کی بڑی کاروائی ، لشکر جھنگوی کی ہم خیال تنظیم ٹی ٹی پی کے 22 خارجی جہنم واصل appeared first on شیعہ نیوز پاکستان.
