شیعہ نیوز: کراچی کاؤنٹر ٹیررازم ڈیپارٹمنٹ (CTD) کراچی نے وفاقی سول حساس ادارے کے ہمراہ خفیہ اطلاع پر کامیاب مشترکہ کارروائی کرتے ہوئے فتنہ الخوارج کالعدم تحریکِ طالبان پاکستان (TTP) کے مفتی سعد گروپ سے وابستہ دو اہم دہشت گردوں کو گرفتار کر لیا کارروائی کے دوران گرفتار دہشتگردوں کے قبضے سے دو عدد ہینڈ گرنیڈ بھی برآمد کیے گئے۔
گرفتار دہشتگردوں کی شناخت عمر فاروق ولد حسن گل اور عبداللہ ولد ممتاز علی کے نام سے ہوئی ۔
ترجمان سی ٹی ڈی کراچی کے مطابق ابتدائی تفتیش کے دوران گرفتار دہشگردوں کا تعلق فتنہ الخوارج کالعدم TTP کے مفتی سعد گروپ سے ہے۔
گرفتار دہشتگرد اپنے کمانڈر کی ہدایت پر افغانستان سے کراچی پہنچے تھے، جہاں انہیں دہشت گردی کی کارروائیوں کے لیے مختلف ذمہ داریاں سونپی گئی تھیں۔
یہ بھی پڑھیں : اسرائیلی وزیرِاعظم نیتن یاہو کا غزہ پر مکمل قبضے کا مذموم منصوبہ
ابتدائی تحقیقات کے مطابق گرفتار دہشتگردوں نے رینجرز اور پولیس کے اہم مقامات اور افسران کی ریکی کرنے کے ساتھ ساتھ حاصل کردہ معلومات اپنے کمانڈر کو فراہم کر رہے تھے۔
تفتیش کے دوران یہ بھی انکشاف ہوا کہ گرفتار دہشتگردوں کے قبضے سے برآمد ہونے والے ہینڈ گرنیڈ اپنے کمانڈر کی ہدایت پر تنظیم کے ایک دوسرے ساتھی کے حوالے کیے جانے تھے، جنہیں اہم تنصیبات کو نشانہ بنانے کے لیے استعمال کرنے کا منصوبہ تھا۔
گرفتار دہشتگردوں کے خلاف تھانہ CTD آپریشن کراچی میں درج ذیل مقدمات درج کیے گئے ہیں۔
The post سی ٹی ڈی کراچی کا کامیاب آپریشن، فتنہ الخوارج کالعدم تحریکِ طالبان پاکستان (TTP) اور سپاہ صحابہ کے دو خطرناک دہشت گرد گرفتار appeared first on شیعہ نیوز پاکستان.
