شیعہ نیوز: معروف امریکی اخبار نیویارک ٹائمز نے اپنے مقالے میں اعتراف کیا ہے کہ ایران کے ساحلی قصبے سیریک پر شادی کی تقریب پر گرائے جانے والے بم امریکی تھے۔
امریکہ کی وزارت جنگ پینٹاگون نے اس حملے کی ذمہ داری قبول کرنے سے انکار کر دیا تھا۔
سینٹکام کے ترجمان ٹم ہاوکنز نے دعوی کیا تھا کہ امریکی فوج ہر گز سویلین اہداف کو نشانہ نہیں بناتی۔ لیکن اس کے بعد ایرانی میڈیا پر جائے وقوعہ پر استعمال شدہ ہتھیار کی باقیات کی تصاویر شائع ہوئیں جن سے واضح تھا کہ وہ ایک گائیڈڈ امریکی بم ہے۔
یہ بھی پڑھیں : نصابی کتب سے ‘فلسطین’ کا لفظ ہٹانے کی سازش، جیریمی گرین اسٹاک کا انکشاف
نیویارک ٹائمز نے ان تصاویر کو اسلحہ کے امریکی ماہر ٹیرر بال کے سامنے پیش کیا جنہوں نے تصدیق کی کہ وہ امریکی ساختہ گائیڈڈ میزائل ہے جو جنگی طیارے کے ذریعے فضا سے زمین پر مارا جاتا ہے۔
اس امریکی اخبار کا کہنا ہے کہ منگل کے روز ایک امریکی جنگی طیارے کی ویڈیو بھی منظرعام پر آئی تھی جو حملے کے لیے اٹھان بھر رہا تھا اور اس کے نیچے JSOW نامی یہ گائیڈڈ میزائل بھی دکھائی دے رہا تھا۔
یاد رہے منگل کی رات دہشت گرد امریکی فوج نے ایران کے ساحلی علاقوں کو بزدلانہ فضائی حملوں کا نشانہ بنایا تھا۔ ان حملوں میں ایران کے ساحلی قصبے سیریک میں ایک ایسا گھر بھی نشانہ بنا تھا جہاں شادی کی تقریب جاری تھی۔ اس حملے میں 4 افراد شہید جبکہ 80 کے قریب زخمی ہو گئے تھے۔
The post شادی کی تقریب پر گرائے جانے والا بم امریکی تھا، نیویارک ٹائمز appeared first on شیعہ نیوز پاکستان.
