شیعہ نیوز: عرب اور اسلامی ممالک نے شام کے “ابوالظہور” ایئربیس پر صیہونی فوج کے حملے کی مذمت کی ہے۔
رپورٹ کے مطابق قطر کی وزارت خارجہ نے شام کے “ابوالظہور” ایئربیس پر صیہونی حکومت کے حملے کی مذمت کرتے ہوئے اسے خطے کے ممالک کی جانب صیہونی حکومت کی جارحانہ پالیسی کا تسلسل اور انتہائی خطرناک رویہ قرار دیا۔
قطر کی وزارت خارجہ کے بیان میں آيا ہے کہ اسرائیل خطے کی امن و سلامتی کو بری طرح خطرے میں ڈالے ہوئے ہے۔
یہ بھی پڑھیں : دباؤ بڑھا کر ایران سے وہ رعایتیں حاصل نہیں کی جا سکتیں جو کبھی معاہدے کا حصہ نہیں تھیں، قالیباف
مصر نے بھی صوبہ ادلب میں واقع مذکورہ ایئربیس پر جارحیت کو شام کی ارضی سالمیت اور بین الاقوامی قوانین کی خلاف ورزی قرار دیا ہے۔
ترکیہ کی وزارت خارجہ نے عالمی برادری سے اپیل کی ہے کہ صیہونی حکومت کو ان جرائم کے لیے جوابدہ کرے۔
سعودی عرب کی وزارت خارجہ “ابوالظہور” ایئربیس پر تل ابیب کے حملے کی مذمت کی ہے اور شام کی حمایت اور دمشق کے اقتدار اعلی کی حفاظت کا اعلان کیا ہے۔
فلسطین کی اسلامی استقامتی تنظیم حماس نے صیہونی حکومت کی اس جارحیت کو منظم ریاستی دہشت گردی قرار دیا ہے۔
The post شام میں صیہونی حکومت کی تازہ جارحیت پر عرب اور اسلامی ممالک کا ردعمل appeared first on شیعہ نیوز پاکستان.
