شیعہ نیوز: سپاہ قدس کے کمانڈر جنرل قاآنی نے کہا کہ شرپسند عناصر کی حمایت کرنے والے مجرم ہیں اور اپنے جرائم کی سزا پائیں گے۔
رپورٹ کے مطابق سپاہ پاسداران انقلاب کی قدس فورس کے کمانڈر جنرل اسماعیل قاآنی نے شرپسندوں اور دہشت گرد عناصر کی حمایت کرنے والوں کو سخت وارننگ دیتے ہوئے کہا ہے کہ ایسے افراد مجرم ہیں اور وہ اپنے جرائم کی سزا ضرور پائیں گے۔
یہ بھی پڑھیں : جنگ بندی کی خلاف ورزیاں روکنے کے لیے امن کونسل فوری اقدام کرے، حماس
تفصیلات کے مطابق، جنوری کے واقعات میں جاں بحق ہونے والوں کی چہلم کی تقریب کے موقع پر صحافیوں سے گفتگو کرتے ہوئے انہوں نے دوٹوک انداز میں کہا کہ جن لوگوں نے شرپسندوں اور دہشت گردوں کی پشت پناہی کی، وہ درحقیقت جرم کے مرتکب ہوئے ہیں اور اپنے اعمال کے نتائج سے نہیں بچ سکیں گے۔
جنرل قاآنی نے مزید کہا کہ ایرانی قوم پہلے سے زیادہ اتحاد، استحکام اور یکجہتی کا مظاہرہ کرے گی اور دشمنوں کو بھرپور جواب دے گی۔ بیرونی حمایت یافتہ بدامنی کے منصوبے عوامی بصیرت اور قومی ہم آہنگی کے سامنے ناکام ہوں گے۔
The post شرپسندوں اور دہشت گردوں کے حامیوں کو اپنے کیے کی سزا ضرور ملے گی، جنرل قاآنی appeared first on شیعہ نیوز پاکستان.
