شیعہ نیوز: بحرین کے ممتاز عالم دین آیت اللہ شیخ عیسی قاسم نے کہا ہے کہ امام خمینی رحمت اللہ علیہ اور شہید رہبر انقلاب کا بیانیہ ایرانی معاشرے کو اسلام کے راستے پر واپس لایا اور دینی حکمرانی کا وہ نمونہ پیش کیا جو موجودہ بحرانوں سے امت اسلامیہ اور بشریت کی نجات کی زمین ہموار کرتا ہے۔
بحرین کے ممتاز عالم دین اور مرجع تقلید آیت اللہ شیخ عیسی قاسم نے شہید رہبر انقلاب اسلامی کی آلوداعی رسومات کے موقع پر ایک بیان جاری کرکے آپ کی علمی، دینی، سیاسی اور انقلابی حیثیت کو خراج عقیدت واحترام پیش کیا۔
انھوں نے شہید رہبر کی الوداعی رسومات میں ایرانی عوام اور مسلمین عالم کی وسیع شرکت کی طرف اشارہ کرتے ہوئے کہا ہے کہ پورے ایران اور دنیا بھر سے آئے ہوئے دسیوں لاکھ لوگ، ایک فقیہ عالم، انقلابی ہستی، باخبر سیاستداں صاحب بصیرت رہبر اور خدا کے بندہ صالح کی الوداعی رسومات میں شریک ہیں۔
آیت اللہ شیخ عیسی قاسم نے شہید آیت اللہ العظمی سید علی خامنہ ای کو ان ہستیوں میں شمار کیا ہے جن کے سامنے آخرت ہوتی ہے۔
یہ بھی پڑھیں : آزادی فلسطین کے لئے رہبر ایران کی کوششیں مغرب کے اندر آپ کے قتل کا محرک بنی ہیں
انھوں نے لکھا ہے کہ اس قبیل کے انسانوں کی حکمرانی میں ہی دنیا ہدایت، سلامتی، عدل و انصاف، انسانی برادری اور حقیقی سعادت کی طرف بڑھ سکتی ہے اور انسانی معاشرہ اعلی اہداف حاصل کرسکتا ہے۔
انھوں نے حضرت امام خمینی رحمت اللہ علیہ اور شہید آیت اللہ العظمی سید علی خامنہ ای کو اسلامی قیادت کی دو مثالی ہستیاں بتایا اور کہا کہ ان ہستیوں نے ایرانی معاشرے کو اسلام کے حقیقی راستے پر ڈالا اور دینی حکمرانی کا ایسا نمونہ پیش کیا جو موجودہ بحرانوں سے امت اسلامیہ حتی بشریت کی نجات کی زمین ہموار کرتا ہے۔
آیت اللہ شیخ عیسی قاسم نے یہ سوال پیش کرتے ہوئے کہ امام خمینی اور امام خامنہ ای نے دنیا کو کیا دیا ہے؟ اس کے جواب میں لکھا ہے کہ ان دونوں عظیم ہستیوں نے اپنی ہدایت سے، اقوام کے سامنے نیکی، عدل وانصاف، سلامتی اور نجات کا راستہ کھولا اور ثابت کردیا کہ حقیقی نجات، اسلام ، اسلامی نظام اور ایسی قیادت سے تمسک میں ہے جو جس کے سامنے صرف رضائے خدا ہو۔
The post شیخ عیسی قاسم: آیت اللہ العظمی خامنہ ای کا حکمرانی کا نمونہ موجودہ بحرانوں سے نجات بشریت کی زمین ہموار کرتا ہے appeared first on شیعہ نیوز پاکستان.
