شیعہ نیوز: یمن نے سعودی عرب کو اپنے داخلی امور میں مداخلت اور جارحانہ اقدامات کے نتائج کی بابت خبردار کیا ہے۔
یمن کی حکومت نے اعلان کیا ہے کہ اس کو صنعا کے بین الاقوامی ہوائی اڈے کی سرگرمیاں جاری رکھنے کے لئے کسی کی اجازت کی ضرورت نہیں ہے۔
یمن کی وزارت داخلہ نے ایک بیان جاری کرکے اعلان کیا ہے کہ یمنی عوام نے محاصرہ توڑنے، جارحین کا مقابلہ کرنے اور جارحیت ختم کرنے کا فیصلہ کیا ہے اور کسی بھی قیمت پر اپنے اس فیصلے سے پیچھے نہیں ہٹیں گے۔
یہ بھی پڑھیں : شہید آیت اللہ خامنہ ای کی تشییع جنازہ میں شرکت کرنے والوں کو خوش آمدید کہتے ہیں، مقتدی صدر
یمنی وزارت خارجہ نے اپنے بیان میں وضاحت کی ہے کہ صنعا ایئرپورٹ کی سرگرمیاں شروع کرنے کا فیصلہ یمنی حکومت کا حق ہے اور اپنی رٹ نافذ کرنے میں اس کو کسی کی اجازت درکار نہیں ہے۔
یمنی وزارت خارجہ نے ریاض حکومت پر الزام لگایا ہے کہ وہ حقائق میں تحریف اور انہیں برعکس بیان کرکے عالمی رائے عامہ کو گمراہ کررہی ہے۔
بیان میں کہا گیا ہے کہ ریاض کے اقدامات علاقے میں بے ثباتی کا باعث ہیں۔
یاد رہے کہ چند روز قبل یمن کی مسلح افواج کے ترجمان یحیی سریع نے خبر دی تھی کہ سعودی عرب نے ایک ہوائی ہوائی جہاز کو جس میں 200 یمنی تھے، صنعا ایئرپورٹ پر اترنے سے رکنے کی کوشش کی تھی جس کو ناکام بنادیا گیا۔
یمن کی مسلح افواج کے ترجمان یحیی سریع نے کہا تھا کہ جرائم پیشہ سعودی دشمن کو خبردار کیا جاتا ہے کہ اس جارحانہ اقدام کی تکرار کی گئی تو اس کے ہوائی اڈے نیز اس کے حیاتی اہمیت کے زمینی اور بحری مراکز پر جوابی حملے کئے جائيں گے۔
The post صنعا ایئر پورٹ کی سرگرمیاں جاری رکھنے کے لئے کسی کی اجازت کی ضرورت نہیں ہے appeared first on شیعہ نیوز پاکستان.
