شیعہ نیوز: ایران کے ترجمان وزارت خارجہ اسماعیل بقائی نے لبنان کے مختلف علاقوں میں صیہونی حکومت کی جارحیت اور دہشت گردانہ کارروائیوں کی جانب سے خبردار کیا ہے۔
اسماعیل بقائی نے کہا ہے کہ غاصب اسرائیلی، لبنان کے مختلف علاقوں میں وحشیانہ کارروائياں کرکے عوام کا قتل عام اور ان کے گھروں اور لبنان کی تنصیبات کو مسمار کر رہے ہیں۔
انہوں نے ان دہشت گردانہ اقدامات کی مذمت کرتے ہوئے انتباہ دیا کہ صیہونی حکومت کی ان ظالمانہ حرکتوں کے خطے کی امن و سلامتی پر سنجیدہ اور فوری اثرات مرتب ہوں گے۔
یہ بھی پڑھیں : اسرائیل تمام انسانوں کے لیے سنجیدہ خطرہ: صیہونی وزیر داخلہ کی ہرزہ سرائی پر وزیر خارجہ کا سخت ردعمل
ترجمان وزارت خارجہ نے ایران اور امریکہ کے مابین 18 جون 2026 کو نافذ ہونے والے سمجھوتے کی پہلی شق کا حوالہ دیتے ہوئے کہا کہ، اس مفاہمت نامے کے مطابق، لبنان میں جنگ بندی تمام محاذوں پر جنگ بندی کے مترادف ہے اور امریکہ اس سلسلے میں ذمہ دار ہے۔
انہوں نے زور دیکر کہا کہ اپنے اور اپنے اتحادیوں کے مفادات اور حقوق نیز سلامتی کی حفاظت کے لیے اسلامی جمہوریہ ایران ضروری تدبیریں اپنانے کے لیے تیار ہے۔
The post صیہونی حکومت کی اشتعال انگيزی اور جنگ پسندی کے سنجیدہ اور فوری نتائج مرتب ہوں گے: ترجمان وزارت خارجہ appeared first on شیعہ نیوز پاکستان.
