شیعہ نیوز: فلسطینی مبصر سمر حمد نے غرب اردن کی موجودہ صورت حال اور صیہونی حکومت کی جارحانہ پالیسی کے بارے میں بتایا ہے کہ اسرائيلی حکومت دریائے اردن کے مغربی کنارے کو فلسطینیوں سے خالی کروانا چاہتی ہے۔
انہوں نے کہا کہ صیہونی فوج نے غرب اردن کے شمالی علاقے میں کارروائیاں تیز کردی ہیں جو کہ مغربی استعماری منصوبے کی منظم سازش کا تسلسل ہے۔
سمر حمد نے کہا کہ غاصب صیہونی، فلسطینی شہروں اور قصبوں کے مابین مختلف منصوبوں کے تحت فاصلہ ڈال رہے ہیں تا کہ فلسطینیوں پر شدید نفسیاتی دباؤ ڈال کر اور محاصرہ کرکے انہیں اپنی سرزمین چھوڑنے پر مجبور کردیں۔
یہ بھی پڑھیں : مغربی کنارے میں 2 فلسطینی نوجوانوں کو پھانسی دیے جانے پر حماس کا شدید ردعمل
فلسطینی مبصر نے کہا کہ صیہونی حکومت علاقے کے حالات کے پیش نظر کم سے کم نقصان کے ساتھ زیادہ سے زیادہ فائدہ حاصل کرنا چاہتی ہے لہذا غرب اردن کے مظلوم فلسطینیوں کو اپنے سازشی منصوبے کا نشانہ بنا رہی ہے۔
سمر حمد نے کہا کہ غاصب صیہونی حکومت اپنا مدنظر موازنہ مسلط کرنے کی کوششوں میں مصروف ہے اور اس سازش کے تحت صیہونی آبادکاروں کو آمد و رفت میں آزادی حاصل ہوگی جبکہ فلسطینیوں کو ہر وقت اور ہر جگہ مزید رکاوٹوں کا سامنا کرنا پڑے گا۔
انہوں نے فلسطینی عوام کی استقامت اور مزاحمت کو صیہونی سازش کے مقابلے کا واحد طریقہ قرار دیا اور کہا کہ بین الاقوامی سطح پر بھی اسرائیل کے مظالم کا پردہ فاش کرنے کی ضرورت ہے۔
The post صیہونی غرب اردن کو فلسطینیوں سے خالی کرنا چاہتے ہیں، فلسطینی مبصر appeared first on شیعہ نیوز پاکستان.
