شیعہ نیوز: صوبہ خیبر پختونخوا کے بعد تحریک طالبان پاکستان نے جنوبی پنجاب کا رخ کر لیا ہے، گذشتہ روز تحریک طالبان جنوبی پنجاب کے سربراہ عمر معاویہ کی جانب سے ایک ویڈیو بیان سامنے آیا ہے، جس میں اس کا کہنا تھا کہ تحریک طالبان جنوبی پنجاب پہنچ چکی ہے اور سکیورٹی اداروں پر حملوں کے لیے تیاری کی جا رہی ہے۔ عمر معاویہ کا مزید کہنا تھا کہ ہم سکیورٹی اداروں اور حکومت کو یہ پیغام دینا چاہتے ہیں کہ ہماری کارروائیاں اب جنوبی پنجاب میں بھی ہوں گی۔ علاوہ ازیں شیعہ نیوز کو موصول ایک دوسری ویڈیو میں طالبان جنوبی پنجاب کے ضلع ڈیرہ غازی خان میں دیکھے گئے ہیں، اس ویڈیو میں طالبان سرعام اسلحہ اٹھائے ایک سرکاری سکول کے سامنے موجود ہیں۔
The post طالبان پنجاب پہنچ گئے، عمر معاویہ کا خطرناک عزائم پر مبنی ویڈیو بیان آگیا appeared first on شیعہ نیوز پاکستان.
