شیعہ نیوز: امریکی صدر نے مجرم صیہونی حکومت کی کھلے عام حمایت جاری رکھتے ہوئے عالمی فوجداری عدالت کو سخت دھمکیاں دی ہیں۔
صیہونی ذرائع ابلاغ کے مطابق، امریکی صدر ٹرمپ نے عالمی فوجداری عدالت کو غاصب اسرائیلی حکومت اور امریکہ کے خلاف کیسز کی پیروی کرنے کی جانب سے خبردار کیا ہے۔
ٹرمپ نے کہا ہے کہ صیہونی عہدے داروں اور فوجیوں کے تعاقب کی صورت میں، ICC کو شدید پابندیوں کا نشانہ بنائیں گے۔
یہ بھی پڑھیں : شام پر قابض گروہ، مکاری اور امریکہ اور صیہونیت کے سامنے سربسجود ہونے کا مثالی نمونہ، انصاراللہ
امریکی صدر نے کہا ہے کہ عالمی فوجداری عدالت کو چاہیے کہ امریکہ اور صیہونی حکومت کے حکام کو ہر طرح کی قانونی کارروائی سے مستثنی رکھے۔
امریکی صدر نے دعویٰ کیا ہے کہ انہوں نے عالمی فوجداری عدالت کے بنیادی قوانین میں تبدیلی کا حکم جاری کردیا ہے۔
ٹرمپ کا کہنا تھا کہ بقول ان کے وہ صف اول پر لڑنے والے صیہونی اور امریکی فوجیوں کو عدالتوں میں دیکھنا پسند نہیں کریں گے۔
وائٹ ہاؤس نے باقاعدہ اعلان کیا ہے کہ اگر ICC نے ٹرمپ کے مطالبات پورے نہ کیے تو اس عالمی عدالت کو ایسی سنگین پابندیوں کا سامنا کرنا پڑے گا جس سے ان کے بقول اس عدالت اور اس کے ججوں کی سرگرمیاں بری طرح متاثر ہوجائيں گی۔
یاد رہے کہ صیہونی حکومت کی دہشت گرد جاسوسی تنظیم موساد نے عالمی فوجداری عدالت کے ججوں کو موت کی دھمکی دی تھی تا کہ نیتن یاہو سمیت اس مجرم حکومت کے اعلی عہدے داروں اور جرائم پیشہ فوجیوں کے خلاف عدالتی کارروائی کو روک سکے۔
The post عالمی فوجداری عدالت کو امریکی صدر ٹرمپ کی نئی دھمکیاں appeared first on شیعہ نیوز پاکستان.
