شیعہ نیوز: شیخ اکرم الکعبی نے خلیج فارس کے عرب ممالک سے خطاب کرتے ہوئے کہا کہ وہ ایران پر امریکی و صیہونی جارحیت میں غیر جانبداری کے دعوے کے باوجود براہ راست شراکت دار ہیں۔
رپورٹ کے مطابق حرکة النجباء عراق کے سیکرٹری جنرل شیخ اکرم الکعبی نے خلیج فارس کے عرب ممالک کے رہنماؤں سے خطاب کرتے ہوئے ان کے ’غیر جانبداری‘ کے دعوؤں کو سختی سے مسترد کیا ہے۔
شیخ اکرم الکعبی نے اپنے پیغام میں کہا کہ آپ نے مجرم اور غاصب طاقتوں کو اپنی سرزمین پر اڈے قائم کرنے اور مسلمان ہمسایہ ممالک کے خلاف جاسوسی و جارحیت کے لیے راستہ فراہم کر کے اپنے ملکوں کے لیے شرمندگی، تباہی اور جنگ کو دعوت دی ہے۔
یہ بھی پڑھیں : العصف المأکول آپریشن، حزب اللہ کا تل ابیب اور حیفا پر شدید میزائل و ڈرون حملے
انہوں نے کہا کہ نتن یاہو جیسے خبیث اور ٹرمپ جیسے احمق نے آپ کو اس جنگ میں گھسیٹ لیا جس سے آپ کا کوئی تعلق نہ تھا۔ اور جنگ کے بعد، یہی لوگ دوبارہ بے شرمی کے ساتھ آئیں گے، آپ سے جنگ کے اخراجات وصول کریں گے اور آخر میں آپ ہی کو ذبح کر دیں گے تاکہ گریٹر اسرائیل کا منصوبہ مکمل کیا جائے، جس میں آپ کے ممالک کا بھی حصہ شامل ہے۔
اکرم الکعبی نے زور دیتے ہوئے کہا کہ آپ غیر جانبداری کا دعویٰ کیسے کر سکتے ہیں جبکہ امریکہ کی بڑی فوجی کارروائیاں آپ ہی کی سرزمین سے کی جا رہی ہیں؟
انہوں نے مزید کہا کہ اسرائیل اور امریکہ کے لیے کام کرنے والے ریڈار جو ایرانی افواج کو مانیٹر کرتے ہیں، آپ کے ممالک میں موجود ہیں اور یہی دشمن کی آنکھیں ہیں جنہیں بند کیا جانا چاہیے۔
الکعبی نے واضح کیا کہ ہر مبصر جانتا ہے کہ ایران اور عراق پر داغے گئے حملہ آور میزائل صرف قریبی اڈوں سے ہی فائر کیے جا سکتے تھے، خاص طور پر اس کے بعد کہ جب ان کے جنگی بحری جہاز، حیدری میزائلوں کی رینج سے بچنے کے لیے فرار ہو گئے۔
The post عرب ممالک امریکی و اسرائیلی اڈے بن چکے ہیں، پھر غیر جانبداری کیسی؟ شیخ اکرم الکعبی appeared first on شیعہ نیوز پاکستان.
