شیعہ نیوز :لاہورشیعہ علماء کونسل پنجاب نے مطالبہ کیا ہے کہ عزاداری پر عائد تمام پابندیاں فوری طور پر ختم کی جائیں، نظر بند عزاداروں کو رہا کیا جائے، فورتھ شیڈول کے مبینہ غلط استعمال کا خاتمہ کیا جائے، جبکہ مجالس و جلوسوں کے انعقاد میں حائل رکاوٹیں، شورٹی بانڈز اور مچلکوں کی شرط بھی واپس لی جائے۔
تنظیم کے رہنماؤں کا کہنا ہے کہ عزاداری سے متعلق مذہبی سرگرمیوں کو بلاجواز جرم بنایا جا رہا ہے، جبکہ مجالس، سبیلوں اور تبرک کی تقسیم جیسے مذہبی امور پر بھی مقدمات درج کیے جا رہے ہیں۔ ان کے مطابق فورتھ شیڈول، جو ریاست مخالف عناصر کے خلاف استعمال ہونا چاہیے، اسے مبینہ طور پر عزاداروں کے خلاف استعمال کیا جا رہا ہے، جس پر شدید تحفظات پائے جاتے ہیں۔
یہ بھی پڑھیں : پیوٹن بھی ایران کے ’ماسکیٹو فلیٹ‘ کے معترف، جدید ہتھیاروں سے لیس چھوٹی کشتیوں کو مؤثر قرار دیدیا
شیعہ علماء کونسل پنجاب نے خبردار کیا ہے کہ اگر عزاداری پر عائد مبینہ غیر قانونی پابندیاں ختم نہ کی گئیں اور مطالبات پر فوری عمل درآمد نہ ہوا تو 2 اگست سے پنجاب بھر میں احتجاجی تحریک کا آغاز کیا جائے گا۔
تنظیم نے حکومت سے مطالبہ کیا کہ شہریوں کے آئینی و مذہبی حقوق کا تحفظ یقینی بنایا جائے اور عزاداری کے انعقاد میں پیش آنے والی تمام رکاوٹیں دور کی جائیں۔
The post عزاداری پر پابندیوں کے خلاف شیعہ علماء کونسل پنجاب کا احتجاج کا اعلان appeared first on شیعہ نیوز پاکستان.
