غزہ اور خان یونس میں اسرائیلی فوج کی فائرنگ سے دو فلسطینی شہید

شیعہ نیوز: میدانی ذرائع نے اطلاع دی ہے کہ جمعرات کی شام اسرائیل کی وحشیانہ فائرنگ کے نتیجے میں ایک بچے سمیت دو فلسطینی شہری شہید ہو گئے۔ یہ واقعات غزہ شہر کے جنوب مشرقی علاقے زیتون اور غزہ کی پٹی کے جنوبی شہر خان یونس میں پیش آئے۔

ہمارے نامہ نگار نے وضاحت کی کہ زیتون محلے کی کشکو سڑک پر اسرائیلی فوج کی جانب سے کی گئی فائرنگ کے نتیجے میں بچہ صالح بدوی شہید ہو گیا جبکہ دیگر متعدد افراد زخمی ہوئے۔

یہ بھی پڑھیں : دنیا چند ظالم حکمرانوں کے ہاتھوں تباہ ہو رہی ہے، پوپ لیو

خان یونس میں شہر کے جنوبی علاقے ارض اللیمون میں اسرائیلی فوج کی گولیوں کا نشانہ بن کر 38 سالہ محسن عودہ محسن الدباری جام شہادت نوش کر گئے۔

اس سے قبل آج کے دن ہی 33 سالہ شہری رزق الملاحی زخموں کی تاب نہ لاتے ہوئے شہید ہو گئے۔ وہ چند روز قبل غزہ شہر کی النفق سڑک پر پولیس کی گاڑی پر کیے گئے اسرائیلی فضائی حملے میں شدید زخمی ہوئے تھے۔

یہ مظالم جنگ بندی کے معاہدے کی مسلسل اسرائیلی خلاف ورزیوں کے تناظر میں ہو رہے ہیں۔ یاد رہے کہ 11 اکتوبر سنہ 2023ء کو جنگ بندی کے نفاذ کے بعد سے اب تک اسرائیل کی طرف سے فلسطینیوں کی نسل کشی اور جارحیت کے نتیجے میں شہید ہونے والوں کی تعداد 770 اور زخمیوں کی تعداد 2150 تک پہنچ چکی ہے۔

The post غزہ اور خان یونس میں اسرائیلی فوج کی فائرنگ سے دو فلسطینی شہید appeared first on شیعہ نیوز پاکستان.

​