شیعہ نیوز: اسلامی مزاحمتی تحریک حماس کے ترجمان حازم قاسم نے کہا ہے کہ اسرائیل نے غزہ میں الجزیرہ کے نامہ نگار محمد وشاح کو شہید کر کے صحافتی کام کے خلاف ایک نئے جرم کا ارتکاب کیا ہے۔
حازم قاسم نے ایک پریس بیان میں کہا کہ یہ قتل ان جرائم کے طویل سلسلے کا حصہ ہے جو غزہ کی پٹی میں صحافیوں کو نشانہ بنا کر کیے جا رہے ہیں، جس کا مقصد اس نسل کشی کی حقیقت کو دنیا تک پہنچنے سے روکنا ہے جو قابض دشمن مسلسل کر رہا ہے۔
یہ بھی پڑھیں : اسرائیل کی جانب سے جنگ بندی خلاف ورزی پر ایران نے آبنائے ہرمز پھر بند کردی
حازم قاسم نے اس بات کی طرف اشارہ کیا کہ بین الاقوامی اور انسانی حقوق کے ادارے اپنے وجود کی قانونی حیثیت ثابت کرنے کے لیے ایک حقیقی امتحان کے سامنے ہیں، جس کا تقاضا ہے کہ وہ قابض اسرائیل پر دباؤ ڈالنے کے لیے سنجیدہ اور مؤثر اقدام کریں تاکہ ہمارے فلسطینی عوام کے خلاف اس کے جاری جرائم کو روکا جا سکے۔
The post غزہ میں جاری نسل کشی کی حقیقت چھپانے کے لیے قابض دشمن صحافیوں کو قتل کر رہا ہے، حماس appeared first on شیعہ نیوز پاکستان.
