شیعہ نیوز: اسرائیلی فوج کی جانب سے غزہ کی پٹی میں جنگ بندی معاہدے کی خلاف ورزیوں کا سلسلہ جاری ہے جس کے نتیجے میں غزہ کی پٹی کے مختلف علاقوں میں فائرنگ اور توپ خانے کی گولہ باری سے چار شہری شہید اور بچوں و خواتین سمیت متعدد شہری زخمی ہو گئے ہیں۔
ہمارے نامہ نگار نے تصدیق کی ہے کہ وسطی غزہ شہر میں الیرموک اسٹریٹ پر ابو خضرہ کمپلیکس کے قریب بے گھر افراد کے ایک خیمے کو اسرائیل کے ڈرون طیارے کی جانب سے نشانہ بنائے جانے کے نتیجے میں دو شہری شہید اور دیگر زخمی ہو گئے۔
جمعرات کی شام جنوب مشرقی غزہ شہر کے محلے الزیتون میں صلاح الدین شاہراہ پر کویت چوک کے قریب اسرائیلی افواج کی جارحانہ فائرنگ کے نتیجے میں شہری صلاح اسعد الخور جام شہادت نوش کر گئے۔
یہ بھی پڑھیں : امریکی الزامات بدل رہے ہیں لیکن ان کے پیچھے بیانیہ وہی پرانا ہے، اسماعیل بقائی
اسی طرح جنوب مشرقی غزہ شہر کے محلے الزیتون کی کشکو اسٹریٹ پر قابض اسرائیل کے توپ خانے کی گولہ باری کے نتیجے میں شہری احمد صیام شہید ہو گئے۔
شام کے اوقات میں وسطی غزہ کی پٹی کے المغازی کیمپ میں حسنی المصدر اسٹریٹ پر قابض اسرائیل کی فائرنگ سے ایک شہری زخمی ہو گیا۔
غزہ کی پٹی کے مختلف علاقوں میں فائرنگ، گولہ باری اور فوجی دراندازی کے ذریعے جنگ بندی معاہدے کی مسلسل خلاف ورزیوں کے درمیان جمعرات کے روز اسرائیلی افواج کی فائرنگ سے ایک خاتون سمیت متعدد افراد زخمی ہوئے۔
مقامی ذرائع نے اطلاع دی ہے کہ نوجوان احمد ابو عرمانہ دو روز قبل وسطی غزہ کی پٹی میں البریج کیمپ کے شمال میں ہونے والی گولہ باری میں لگنے والے زخموں کی تاب نہ لاتے ہوئے جام شہادت نوش کر گئے۔
ہمارے نامہ نگار نے بتایا کہ آج جمعرات کے روز شمالی خان یونس کے حمد شہر کے مشرق میں قابض اسرائیلی افواج کی فائرنگ سے ایک خاتون زخمی ہو گئیں جبکہ شہر کے مشرق سے وسطی اور مغربی علاقوں کی جانب قابض اسرائیلی ٹینکوں سے شدید فائرنگ کا سلسلہ جاری رہا، اس کے علاوہ قابض اسرائیل کی فوجی گاڑیوں نے وسطی غزہ کی پٹی میں النصیرات کیمپ کے شمال مشرق میں بھی فائرنگ کی۔
The post غزہ میں جنگ بندی کی تازہ خلاف ورزیوں کے دوران اسرائیل کی فائرنگ سے 4 فلسطینی شہید، متعدد زخمی appeared first on شیعہ نیوز پاکستان.


