شیعہ نیوز: غزہ کی پٹی میں اسرائیل کی جانب سے سیز فائر کے نازک معاہدے کی مسلسل خلاف ورزیوں کے نتیجے میں نو شہری شہید ہو گئے۔ ان خلاف ورزیوں میں فضائی بمباری، توپ خانے کی گولہ باری اور فوجی گاڑیوں سے فائرنگ شامل ہے، جو محصور علاقے کے مختلف حصوں میں کی گئی۔
رپورٹ کے مطابق اسرائیل نے پچھلی شب نصیرات کیمپ کے بلاک C میں ایک رہائشی اپارٹمنٹ کو نشانہ بنایا، جس کے نتیجے میں متعدد شہری زخمی ہوئے۔
العودہ ہسپتال کے ذرائع نے تصدیق کی کہ اسرائیل کی فضائی کارروائی میں تین افراد زخمی ہوئے، جبکہ ایک نیا شہید بھی شہدا ءمیں شامل ہے جو ملبے سے نکالا گیا۔العودہ ہسپتال کے ذرائع نے تصدیق کی کہ اسرائیل کی فضائی کارروائی میں تین افراد زخمی ہوئے، جبکہ ایک نیا شہید بھی شہدا ءمیں شامل ہے جو ملبے سے نکالا گیا۔
یہ بھی پڑھیں : جنوبی یمن کی عبوری کونسل کے سربراہ کے فرار کے بارے میں متضاد خبریں
قبل ازیں طبی ذرائع نے اطلاع دی کہ شمال مغربی دیر البلح میں برج فیصل کے مغرب میں ایک خیمے پر اسرائیل کے فضائی حملے کے نتیجے میں ایک شہری شہید اور دیگر زخمی ہوئے۔
خان یونس کے مغرب میں واقع المواصی کے العطار علاقے پر اسرائیلی فضائی کارروائی میں 43 سالہ کمال عبدالرحمن محمد عواد شہید ہو گئے جبکہ تین افراد زخمی ہوئے جن میں ایک کی حالت تشویشناک ہے۔
شمالی غزہ میں بے گھر افراد کو پناہ دینے والے ابو حسین سکول پر اسرائیل کی بمباری کے نتیجے میں شہری ابراہیم صبح شہید ہو گئے۔
اسی دوران جنوبی غزہ میں خان یونس کے مغرب میں المواصی کے شارع 5 میں بے گھر افراد کے خیمے میں اسرائیل کی خودکش ڈرون کے دھماکے سے چار شہری شہید ہوئے اور متعدد زخمی ہوئے۔
اس کے علاوہ، خان یونس کے مشرق میں بنی سہیلہ چوک کے قریب ایک فلسطینی ڈرون کی فائرنگ سے شہید ہو گیا۔
آج صبح شمالی غزہ کے جبالیا کیمپ میں اسرائیل کی عسکری گاڑیوں کی فائرنگ سے گیارہ سالہ ہمسہ نضال حوسو شہید ہو گئی۔
نصیرات اور بیت لحم کے علاقے میں اسرائیل کی توپ خانے کی گولہ باری جاری رہی، جس میں التل الاخضر کے اطراف اور شرقی مخیم البریج کو نشانہ بنایا گیا۔ اسرائیل کی عسکری گاڑیاں اور ہیلی کاپٹر مسلسل نشانہ بناتے رہے، جبکہ رفح کے سمندر میں بھی قبضہ شدہ اسرائیلی بحری جہازوں نے گولہ باری کی۔
قبل ازیں غزہ شہر کے مشرقی علاقوں پر دو فضائی حملے کئے گئے، شمالی علاقے میں دو مزید حملے کیے گئے اور فوجی گاڑیوں کی فائرنگ جاری رہی۔
الحمد ہسپتال کے قریب زمین پر بھی اسرائیل نے فضائی حملہ کیا جبکہ خان یونس کے مشرقی و جنوبی علاقوں میں ٹینکوں سے شدید فائرنگ کی گئی۔
گذشتہ شب بیت لاھیا میں اسرائیل کے فضائی حملے میں علوان خاندان کے دو افراد شہید اور دیگر زخمی ہوئے۔
غزہ کی وزارت صحت کے تازہ اعداد و شمار کے مطابق سنہ 2023ء کے بعد اسرائیل کی نسل کشی کی جنگ میں 71,395 فلسطینی شہید اور 171,287 زخمی ہو چکے ہیں۔ گذشتہ 48 گھنٹوں میں چار شہداء ملبے سے نکالے گئے اور سات زخمی رپورٹ ہوئے۔
The post غزہ میں نہتے شہریوں کا ہولناک قتل عام، 9 فلسطینی شہید appeared first on شیعہ نیوز پاکستان.
