شیعہ نیوز: فلسطین کی اسلامی مزاحمتی تحریک حماس نے غزہ پٹی میں صیہونی حکومت کی فوجی کارروائی کو جنگ بندی کی کھلی خلاف ورزی قرار دیا ہے۔
حماس نے غزہ پٹی میں صیہونی حکومت کی وسیع فوجی کارروائی شروع کیے جانے پر ردعمل ظاہر کرتے ہوئے اسے جنگ بندی کے معاہدے کی کھلی خلاف ورزی قرار دیا ہے۔
الجزیرہ نیوز چینل کے حوالے سے ارنا کی رپورٹ کے مطابق حماس نے ایک بیان کہا ہے کہ غزہ پٹی کے وسط میں فوجی کارروائی، جنگ بندی کے معاہدے کی کھلی خلاف ورزی اور اس بات کا ثبوت ہے کہ غاصب حکومت اپنی ذمہ داریاں پوری کرنے سے گریز کر رہی ہے۔
اس بیان میں کہا گیا ہے کہ عام شہریوں کو دھمکیوں اور بمباری کے سائے میں جبری انخلاء کا حکم دینا جنگی جرم اور بین الاقوامی انسانی قوانین کی کھلی خلاف ورزی ہے اور دشمن کا مقصد غزہ پٹی میں فلسطینیوں کو ایک تنگ اور محدود علاقے میں اکٹھا کرنا اور انسانی المیے کو مزید سنگین بنانا ہے۔
یہ بھی پڑھیں : جنوبی لبنان پر صیہونی حملے جاری
حماس نے اپنے بیان میں مزید کہا ہے کہ ہم غاصب حکومت اور امریکی حکومت کو اس فوجی کارروائی اور عام شہریوں کے خلاف جرائم کے تمام نتائج کا مکمل ذمہ دار قرار دیتے ہیں اور امن کونسل کے بیان نے بھی جارح اور فلسطینی مظلوم کو برابر قرار دے کر غاصب حکومت کے جرائم کے جاری رہنے کا سیاسی جواز فراہم کیا ہے۔
حماس نے کہا ہے کہ مجرم نیتن یاہو کی کابینہ غزہ پٹی میں نہتے شہریوں کے خلاف جرائم میں شدت پیدا کرکے اپنے داخلی بحرانوں سے فرار ہونے کی کوشش کر رہی ہے۔
یاد رہے کہ صیہونی حکومت کے ذرائع ابلاغ نے اس حکومت کی فوج کی جانب سے غزہ پٹی میں وسیع فوجی کارروائی شروع کیے جانے کی خبر دیتے ہوئے کہا ہے کہ غزہ پٹی میں جنگ بندی کے اعلان کے بعد سے یہ اپنی نوعیت کی بے مثال کارروائی ہے۔
The post غزہ پٹی میں صیہونی حکومت کی فوجی کارروائی، جنگ بندی کی کھلی خلاف ورزی ہے: حماس appeared first on شیعہ نیوز پاکستان.


