شیعہ نیوز: یورپی ملک فرانس نے سپاہ پاسداران انقلاب اسلامی ایران کو دہشت گرد گروپوں کی فہرست سے نکالنے کا مطالبہ کیا ہے۔ خبررساں ادارے تسنیم کے بین الاقوامی گروپ کے مطابق یورپی سفارتی ذرائع نے رائٹرز کو بتایا کہ یورپی یونین ایران میں پیش رفت کے حوالے سے جمعرات کو ہونے والے اپنے اجلاس میں 20 ایرانی افراد اور اداروں کو پابندیوں کی فہرست میں شامل کرنے کا ارادہ رکھتی ہے۔ خبر رساں ادارے روئٹرز کی رپورٹ کے مطابق نئی پابندیاں ان پرزوں کی برآمد پر پابندیاں عائد کریں گی جنہیں ایران ڈرون اور میزائل بنانے کے لیے استعمال کرتا ہے اور کئی افراد اور اداروں کو بھی یوکرین کے ساتھ جنگ میں روس کی مدد کے بہانے پابندیوں کی فہرست میں شامل کیا جائے گا۔
اس دوران، یورپی یونین کے کچھ ارکان نے سپاہ پاسداران انقلاب اسلامی کو نام نہاد دہشت گرد گروپوں کی فہرست میں شامل کرنے کا مطالبہ کیا تھا۔ پیر کے روز، اطالوی وزیر خارجہ نے بھی ملک کی سابقہ پوزیشن کو تبدیل کرتے ہوئے ایسے اقدام کا مطالبہ کیا تھا، لیکن اب فرانس سپاہ پاسداران انقلاب اسلامی ایران کو نام نہاد دہشت گرد گروپوں کی فہرست میں شامل کرنے کے خلاف واحد ملک بن گیا ہے۔ یورپی سفارت کاروں کے مطابق پیرس کو تشویش ہے کہ اس طرح کے اقدام سے تہران کے ساتھ مواصلاتی راستے مکمل طور پر منقطع ہو جائیں گے۔
The post فرانس کی سپاہ پاسداران کو نام نہاد دہشتگردوں کی فہرست میں شامل رکھنے کی مخالفت appeared first on شیعہ نیوز پاکستان.
